SAL7384, Act: V°515.1-R°516.1 (919 of 1044)
Search Act
previous | next
Act V°515.1-R°516.1  
Act
Date: 1491-05-26

Transcription

2020-12-03 by fernand BERTRAND
Item al eest dat desen brief aldus bekint es ter/
manissen soe es dat nochtan gesciet te dier/
meyni(n)gen ende op vuege ende conditie dat de/
voirs(creven) bekenners van des(en) br(ieven) gehoude(n) sulle(n) sijn/
en(de) elck hue(re)r sijn sal jairlijcx van nu voirtaene/
alless(ins) tot hue(re)n laste te drag(en) alsulke(n) vijftich/
rinsgulden(en) erffelijck alse de deke(n) vijf deke(n) canonicke(n)/
en(de) capellane(n) d(er) collegiate(n) kerke(n) van s(in)t g(er)mains/
ind(er) stadt van thiene(n) rep(rese)nte(re)nde alle de gheestelike/
subjecten en(de) ond(er)sete(n) d(er) selv(er) borg(er)meeste(re)n scepen(en) en(de)/
raide bij consente wille wet(ene) ende ov(er)geven(e) va(n)d(en)/
buyte(n) raide rep(rese)nte(re)nde alle de porte(re)n ende/
ingeseten(en) d(er) selv(er) stadt en(de) insgelix de p(er)soen/
en(de) jouffrouwen als p(ri)ncipael meest(er)ssen ende/
regeerde(re)n des beghijnhoofs ind(er) voirs(creven) stadt van/
thiene(n) gelege(n) van wegen desselfs ond(er) hue(r)/
segele die sij in desen ende gelike(n) plegen te/
gebruyke(n) a(n)no lxxxix xii in octobri vercocht/
bekint geloeft en(de) bevesticht hebben eene(n) geheete(n)/
jan arnts al(ia)s spierinck woenen(de) te mechelen en(de)/
die alsoe in tijts van nu voirtaene van t(er)mijne/
te t(er)mijne te dragen te cuelen afte doen(e) ende te/
betalen nae uutwijs(en) inhout en(de) beg(er)ten vand(en)/
principale(n) brieve(n) voirs(creven) dat de voirs(creven) v(er)oblig(er)de/
p(er)sone noch de goede d(air)voe(r) v(er)bonde(n) d(air)af nyet/
gepraemt noch beschadicht en wordde(n) Ende/
oft dair inne gebreck viele dat de bekind(er)s/
vand(en) voirs(creven) br(ieven) ende elck bezund(er) tselve gebreck/
en(de) alle coste(n) schade(n) laste(n) en(de) int(er)este(n) die de voirs(creven)/
v(er)oblig(er)de p(er)sone(n) oft hue(r) goede oft ingeseten(en) oft hue(r)/
goede d(air)o(m)me lijde(n) mochte(n) hoedanich die wa(r)en/
zij wa(r)en van rechte oft and(er) geheelick drage(n)/
en(de) afdoen sulle(n) gelijck den p(ri)ncipale(n) lopen(de) rinte(n)/
Ende d(air)enbove(n) dat de voirs(creven) gedeput(eer)de en(de)/
elck hue(re)r om dit altijt aldus te doen gescieden/
hen mette(n) voirs(creven) bekenne aende voirs(creven) bekind(er)s/
en(de) hue(r) goede en(de) aen elke(n) een voir al sulle(n) moege(n)/
v(er)volge(n) met aentast hue(re)r p(er)sone(n) en(de)
//
elcx hue(re)r bezund(er)t en(de) oick met beleyde app(re)hensien/
en(de) v(er)coeping(en) hue(re)r goede have en(de) erve tegewoirdich/
ende toecomen(de) v(er)crege(n) en(de) te v(er)crige(n) wair die geleg(en)/
sijn oft bevond(en) sulle(n) werdde(n) en(de) aen elk(een) goede/
sund(er)linge dairt hen oft den eene(n) van hen gelieft/
en(de) best duncke(n) sal moege(n) Ende d(air)enbove(n) te des(er)/
meyni(n)g(en) dat deselve gedeput(eer)de nu sijnde oft/
namaels wesen(de) en(de) elck hue(re)r besund(er)t talle(n) tijde(n)/
alst hen oft den eene(n) van hen gelieft de voirs(creven)/
bekynners en(de) hue(r) goede en(de) elck(een) bezund(er)t met/
des(en) voirs(creven) bekenne beleyde en(de) executie(n) en(de) v(er)coopi(n)g(en)/
hue(re)r goede d(air)uut gevolcht sullen moege(n) doen/
lossen vand(en) selve(n) obligatien alsoe dat de/
principale br(ieven) d(er) selv(er) ind(er) voirs(creven) gedeput(eer)de/
hande(n) come(n) sullen bynne(n) eend(er) maent nae dat/
de voirs(creven) bekynners vand(en) voirs(creven) br(ieven) van vijffhond(er)t/
rinsgulden(en) oft e(n)nich van hen bij den selven/
gedeput(eer)den oft e(n)nige(n) van hen des v(er)maent/
oft v(er)socht sal wesen in e(n)nige(r) manie(re)n cor(am) eid(em)
ContributorsGreet Stevens
Moderated byGreet Stevens
Last update: 2014-09-05 by Dieter Peeters