Item margriete weduwe raes wijlen van baussele t(er)/ eenre zijden ende g(eer)t van wynde van halen t(er) ande(re)/ hebben bij huerd(er) beyder gemeyne(n) consente uutgestelt/ en(de) verlingt t(er) beden van enigen vrienden den dach/ die op heden dienen(de) es voe(r) de wet van halen om/ te v(er)coepen des voirs(creven) g(eer)ts en(de) sijns wijfs goede have/ en(de) erve totte(n) voldoen van hue(re)n scepen(en) brieve(n) die zij/ heeft op den selve(n) g(eer)de en(de) sijn goede van sesse rinssche/ gulden(en) lijfpen(sien) mette(n) acht(er)stelle coste en(de) co(m)me(r) totten/ naisten sat(er)daighe nae si(n)te andries dach naistcomen(de)/ om alsdaen te diene(n) in hue(re)n rechte alsoe dien op hed(en)/ ind(en) rechte gedient soude hebben Ende totte(n) v(er)coepe/ voirs(creven) oft de weduwe nyet vernuegt en wordt bynne(n)/ middelen tijde heeft de voirs(creven) g(eer)t sijn consent gegeve(n)/ nu als dan en(de) dan als nu de voirs(creven) sijn goede te/ moegen v(er)coepen bijd(er) voirs(creven) weduwen en(de) huer gebreck/ dairaen te verhalen cor(am) lyefkenrode hoeve(n) nove(m)br(is) xiii