SAL7384, Akte: V°24.2-R°25.1 (46 van 1043)
Akte V°24.2-R°25.1
Act
Datum: 1490-07-08
Transcriptie
2018-07-16 door fernand BERTRANDWant meest(er) goirdt godevarts als geleydt/
nae des(er) stadt recht voir sijn wettich gebreck/
uut crachte van scepen(en) brieve(n) van loven(en)/
tot allen den goede(n) beyde have en(de) erve/
joes wijle(n) me(n)nekens soe wair die gelege(n)/
sijn hem met brieve(n) van des(er) stadt gescreve(n)/
aenden meye(r) vand(er) gheten oft sijne(n) stadhoude(r)/
te hake(n)devel alle deselve goede behoirlijck/
heeft doen leve(re)n ende den erfgename(n) des/
voirs(creven) wijle(n) joes dach van rechte te com/
pare(re)n inde banck voir meye(r) ende scepen(en)/
van loven(en) doen besceyden oft zij huer/
dair tege(n) hadde(n) willen oppone(re)n aldair/
zij op heden als ten verstreken(en) daighe/
niet gecompareert en sijn noch procur(ator) van/
hue(re)n wegen hem dair tegen oppone(re)nde/[den voirs(creven) geleydden altijt comparerende]/
en(de) trecht voirt v(er)sueken(de) Soe hebben scepen(en)/
van loven(en) t(er) manissen smeyers nae dat hen/
bij rescripte godtnoels van houthe(m) smeyers/
vand(er) gheeten behoirlijck gebleken heeft/
de voirs(creven) leveri(n)ghe en(de) dach besceydinghe/
geschiet te sijne gewesen voir een vonnesse/
Wair de wed(er)p(ar)tie des voirs(creven) geleyde(n)/
nyet en compareert ten opstaene smeyers/
en(de) der scepen(en) datmen den selve(n) geleydd(en)
//
houden soude inde macht van zijnen/ beleyde scepen(en) brieve(n) ende leveringhen/ alsoe verre alst noch voir scepen(en) comen es/ In scampno julii viii
//
houden soude inde macht van zijnen/ beleyde scepen(en) brieve(n) ende leveringhen/ alsoe verre alst noch voir scepen(en) comen es/ In scampno julii viii
Nagekeken door: Greet Stevens
Moderator: Greet Stevens
Laatste update:: 2014-08-28 door Dieter Peeters