Want jan vanden heetvelde als geleydt nae des(er)/ stadt recht voir sijn wettich gebreck uut crachte/ van scepen(en) brieve(n) van loven(e) tot allen den goed(en)/ beyde have en(de) erve hubrechts van haeght ende/ goirts wijle(n) van bierbeke soe wair die gelegen/ sijn hem met brieve(n) van des(er) stadt gescreve(n) aend(en)/ meye(r) van haeght oft zijne(n) stadhoude(r) alle deselve/ goede behoirlijck heeft doen leve(re)n ende den selve(n)/ hubrechte van haeght ende ja(n)ne van bierbeke/ sone des voirs(creven) wijle(n) goirts dach van rechte te/ compare(re)n inde banck voir meye(r) en(de) scepen(en) van/ loven(e) doen besceyden oft zij hen tegen deselve/ leveri(n)ge hadden willen oppone(re)n aldair sij op hed(en)/ als ten verstreken(en) daige nyet gecompareert en sijn/ noch procur(eur) van hue(re)n wegen den voirs(creven) geleydd(en)/ altijt compare(re)nde en(de) trecht voirt versueken(de) Soe/ v(er)re dat de scepen(en) van loven(e) t(er) manissen smeyers/ nae dat hen bij rappoirte en(de) cleernissen thiebouts/ steenwechs d(er) stadt bode behoirlijck gebleken heeft/ de voirs(creven) leveri(n)ge en(de) dach besceydinge gesciet te/ sijne gewesen hebben voir een vonnesse wair de
//
wed(er)p(ar)tie des voirs(creven) geleydden nyet en compareert/ ten opstaen(e) smeyers en(de) d(er) scepen(en) datmen den selven/ geleyden houd(en) soude inde macht van sijne(n) beleyde/ scepen(en) brieve(n) en(de) leveringe(n) alsoe v(er)re alst noch voir/ scepen(en) comen es In scampno maii xxvi