Vand(en) gescille dat geweest heeft yerst inde banck voir/ meye(r) ende scepen(en) van loven(e) en(de) d(air)nae voir den raide/ vand(er) stadt tusschen ja(n)ne tzijen porte(r) van loeven(e)/ t(er) eenre en(de) pete(re)n ende woute(re)n vand(en) broeke gebruede(re)n/ t(er) ande(re) uut saken van twee werf vierendevijftich/ rinsgulden(en) eens d(air)voe(r) de gebruede(re)n den porte(r)/ hadden doen aentaste(n) inde banck te houtvynne/ d(air) hij he(m) mett(er) stadt br(ieven) als poirte(r) hadde doen uutscrive(n)/ en(de) d(air) comen(de) tot sijne(n) daige hebben sij he(m) geeyscht de/ voirs(creven) twee werf liiii rinsgulden(en) in zwa(r)en gelde die/ hij hen sculdich was soe sij seyde(n) uut saken van zeke(re)n/ bossche ende heyden tsame(n) gedragen(de) omtr(int) seve(n) dach(mael)/ den voirs(creven) gebruede(re)n toebehoiren(de) d(air)op sij bekinden/ betaelt te sijne xxxiii rinsgulden(en) zwaers gelts en(de)/ dairaff de voirs(creven) pet(er) sijn gedeelte ind(en) lichte(n) tijde/ vand(en) gelde vercocht hadde janne loyten woenen(de)/ ond(er) de banck van herssele dwelck willem de witte/ he(m) ontquijt hadde van naird(er)scape(n) ende de voirs(creven) poirte(r)/ voirt den voirs(creven) willem(me) als noch naird(er) vand(en) voirs(creven)/ pete(re)n dan deselve willem dat ond(er)staen hadde en(de)/ dwelck wout(er) pet(er)s brued(er) als noch nairde(r) dan de/ porte(r) den selve(n) poirt(er) van naird(er)scapen ontquijte(n)/ woude soe hij seyde het en wa(r)e dat he(m) de selve/ peet(er) sijn gedeelte vand(en) selve(n) bosschen ende heyden oick/ afcochte ende name Ende van welcke(n) bosschen en(de) heyd(en)/ de voirs(creven) poirte(r) mits desen wout(er)s gedeelte gecocht hadde/ nae kersmesse als de lichte mu(n)te afgeroepe(n) was en(de)/ tswair gelt ganck hadde dairt de voirs(creven) gebruede(re)n/ tendeerde(n) hue(r) rest te hebben al in zwa(r)en gelde en(de)/ de voirs(creven) poirte(r) meynde te gestaene al met lichte(n)/ gelde en(de) sustine(re)nde want sij xxxiii rinsgulden(en)/ swairs gelts hadde(n) ontfange(n) maken(de) xcix rinsguld(en)/ lichts gelts dat trest cleyn sijn soude dat hij he(n)/ noch sculdich soude sijn ende bove(n) ix rinsgulden(en)/ licht(er) mu(n)ten niet gedrage(n) en soude dair mede hij/ hoepte van al te gestaene te voirde(r) want hij soe/ hij seyde en(de) sijne(n) eedt ende ontschult gep(rese)nteert hadde
//
de leste come(n)scap van wout(er)s gedeelte niet gedaen/ en hadde dan met sulken gelde ende talsulk(en) p(rij)se/ alse pet(er)s gedeelte voirs(creven) vercocht hadde geweest den/ voirs(creven) woute(re)n de (contra)rie van dien sustine(re)nde en meynde/ niet dat he(m) dien eedt alsoe gedeylt hadde geweest/ dat hij he(m)selve(n) dat aenswe(re)n soude moege(n) d(air) dese/ come(n)scap was gesciet inde(n) swa(r)en tijde vand(en) gelde/ oick meynde peet(er) vand(en) v(er)coepe bij he(m) gesciet dat/ trest d(air)af ombetaelt uutstaen(de) betaelt soude werd(en)/ in swa(r)en gelde dair tege(n) de poirte(r) he(m) oick opponeerde/ mits dien dat die coeme(n)scap van dien gesciet was/ ind(en) lichte(n) tijde vand(en) gelde Ende want de voirs(creven)/ wout(er) allig(er)de tgroot v(er)lies p(re)judijs en(de) acht(er)deel/ dat hij hebbe(n) soude in dien de poirte(r) soude gestae(n)/ met lichte(n) gelde ende dat tgoet om stucke(n) broots/ gegeve(n) soude sijn en(de) v(er)re benede(n) den rechtv(eer)dige(n)/ prijs Soe p(rese)nteerde he(m) de poirte(r) voir alle vonnesse(n)/ men gave hem wed(er) des hij d(air)af betaelt hadde/ hij woude g(er)ne vand(en) geheele(n) goede(n) sceyde(n) ende/ die den selve(n) woute(re)n ov(er)leve(re)n en(de) al tgene des hij/ d(air)af getogen mocht hebben bove(n) tgene des dairaff/ wed(er) van coste(n) ende and(er)ssins gegaen was te(n)/ rechtv(eer)digen prijse ende estimatien van goed(en) ma(n)ne(n)/ hen des verstaen(de) soe dat zijn wed(er)p(ar)tie billix gheen/ reden(en) hebben en mochte noch geallege(re)n en conste/ van in dien geschote(n) oft mescocht te wesen Sijn/ p(ar)tien soe v(er)re uut(er)lijck ond(er)wesen nae dat sij ende/ de sake bij scepen(en) vonnesse voe(r) den raide vand(er)/ stadt versonde(n) sijn geweest d(air) sij te meer stonde(n)/ v(er)volcht en(de) hue(r) sake(n) en(de) reden(en) hinc inde opgedae(n)/ hebben dat sij hen in wed(er)sijde(n) gekint hebben/ ende gegeve(n) totte(n) mynlik(en) appointeme(n)te ende/ uutspraken sond(er) rigeur van rechte van henr(icke)/ oeghe substituyt vand(en) burg(er)meest(er) en(de) e(n)nig(en)/ vand(en) raide die welke alle gescille(n) voirmaels
//
ende oick nu aengehoirt p(ar)tien voir een mynlijck/ appointement gegeve(n) hebbe(n) yerst aengaen(de) den yerste(n)/ v(er)narderde(n) coepe die ind(en) lichte(n) tijde vand(en) gelde/ soe de p(ar)tien in beyde(n) sijde(n) genoech te meer stond(en)/ bekint hadde(n) gesciet was dat de poirte(r) van/ dien gestaen soude met lichten gelde te betale(n)/ en(de) aengaen(de) der coeme(n)scap vand(en) ande(re)n gedeelte/ d(air)nae te wete(n) nae kersmesse inde(n) zwa(r)en tijde/ vand(en) gelde gesciet dat de poirte(r) die betalen/ soude half in swa(r)en ende half in lichte(n) gelde/ aen al afgecort tgheene des de poirte(r) gelijck vo(r)e/ d(air)op betailt heeft ende d(air)mede gestaen Mair oft/ den selve(n) pete(re)n ende woute(re)n dochte dat sij h(ier)inne/ v(er)swairt ware(n) soe souden sij moege(n) aenveerde(n)/ de p(rese)ntacie des voirs(creven) poirt(er)s ende de poirte(r) soude/ op sijn p(rese)ntacie hen die goede wed(er) late(n) volgen/ en(de) sijn hande d(air)af lichte(n) ende alle behoefte d(air)af/ doen Act(um) p(rese)ntib(us) d(i)c(t)o henrico oeghe substi(tu)[to] vynck/ scab(inis) nausnydere cons(ilio) et c(er)t(is) aliis junii iiii[ta]