Item zijn voirts den voirs(creven) bauduwijne henry en(de) jouffrouwe/ lijsbetthe(n) van b(er)them zijnd(er) huysvrouwe(n) in hue(r) deylinge/ bleve(n) ende gevallen de erfgoede(n) chijsen pachte(n) peerskue(re)n/ ende heerlich(eiden) h(ier) nae bescreven Te weten(e) ierst thoff te/ hortbeke metten wynnen(de) lande beempden eeusselen/ bosschen wate(re)n wouwe(re)n ende alle ande(r) hue(re)n toebehoirte(n)/ gelijck die gelege(n) zijn te libbeke ende dair omtrindt sub/ iure prius Item noch een half boender beempts gelege(n)/ tusschen libbeke ende ghempe tusschen de goeden [vacat]/[vacat] Item noch alsulcke(n)/ beempt alse gelegen es inde voirs(creven) p(ro)chie van libbeke geheete(n)/ den grooten beempt tusschen tvoirs(creven) half boendere t(er) eende(r)/ ey(n)de goede [vacat] sub censu et/ iure p(ri)us Item zijn den selven noch gevallen alsulcken/ peerskue(re)n metter heerlich(eit) chijsen pachten ende alle ande(re)n/ toebehoirten gelijck die gelegen [zijn] te libbeke voirs(creven) ende de/ selve ouders die aldair te besitten plagen Item onderhalf/ r(ins)gulden(en) i(½) cap(uyn) ende eene(n) hellinck erfelijck aen en(de) op/ eenen beempt gelegen te rode toebehoiren(de) ja(n)ne ouderogge/ Item noch zijn den selve(n) gehuyssche(n) gevalle(n) thien potten/ tolbiers alle weken erfelijck aen ende op een ca(m)me mett(er)/ toebehoirte(n) geheeten den hont gelegen te libbeke voirs(creven)/ Ende voirtaen op vier ende dertich r(ins)gul(den) te twintich/ stuv(er)s tstuck [en(de)] drie pl(a)c(ken) brabants paymi(n)ts voe(r) elcke(n)/ der selver stuv(er)s gerekent mu(n)te telcke(n) tijde van betaling(en)/ van hande te handen gemeynlijck cours hebben(de) erfelijck/ te betalen(e) de(n) voirs(creven) janne va(n) b(er)the(m) ende zijne(n) nacomel(ingen)/ deen hellicht dair af te kersmisse ende dander hellicht ts(in)t/ jansmisse tot eeuwige(n) daige ende dair af dyerste betali(n)g(e)/ innegaen sal te kersmisse naistcomen(de) Met alsulck(er) cond(itien)/ ende vorweerde(n) dat de voirs(creven) gehuyssche(n) de voirs(creven) erfrinte
//
van xxxiiii r(ins)gul(den) tallen tijden alst hen gelieven zal sullen/ moegen lossen ende afquijten tot eene(n) male oft te twee/ malen mair niet min dan de hellicx d(aer)af tot eene(n)male/ ende elcken pe(n)ni(n)ck dair af met achthien pe(n)ni(n)ge(n)/ mu(n)te nu cours hebben(de) ende met vollen rinten hancq(u)[o](que)/ et sat(is) cor(am) eisd(em)