Want jan van bolle als man ende momboir/ johanne(n) h(er)mans zijnder huysvrouwen geleydt/ zijnde nae des(er) stadt recht voir sijn wettich/ gebreck uut crachte van scepen(en) brieve(n) van loven(en)/ ond(er) den ande(re)n tot allen den goeden beyde/ have ende erve henricx wijlen vanden bossche/ soe wair die gelegen sijn hem met brieve(n) van/ des(er) stadt gescreven aenden meye(r) van leefdale/ oft zijne(n) stadhoude(r) alle deselve goede behoirlijck/ heeft doen leve(re)n ende den erfgename(n) des voirs(creven)/ wijlen henricx dach van rechte te compare(re)n/ inde banck voir meye(r) ende scepen(en) van loven(en)
//
doen bescheyden oft zij hen tegen deselve/ leveringe hadden willen oppone(re)n Aldair/ zij op heden als ten verstreken(en) dage niet/ gecompareert en zijn noch oick procur(eur) van/ hue(re)n wegen den voirs(creven) geleydden altijt/ compare(re)nde ende trecht voirt versueken(de)/ soe v(er)re dat de scepen(en) van loven(en) t(er) manissen/ smeyers nae dat hen bij rescripte jacops van/ kiesdonck meye(r) van leefdale gebleken heeft de/ voirs(creven) leveringe ende dach bescheydinge gesciet/ te zijne gewesen hebben voir een vonnesse Wair/ de wed(er)p(ar)tie des voirs(creven) geleydden niet en/ compareert ten opstaen(e) smeyers ende d(er) scepen(en)/ datmen den selve(n) geleydden houden soude/ inde macht van zijne(n) beleyde scepen(en) brieve(n)/ ende leveringen alsoe v(er)re alst noch voir/ scepen(en) comen es in scampno februarii iiii[ta]