Op tgescille geport voe(r) den raide vander stadt tusschen/ gielijse de mu(n)te(re) den jongen als clerck vand(er) kercken
//
van sint jacops opde biest aldair ontboden hebben(de) g(er)de/ zeels en(de) g(er)de ghieris ter eende(r) ende den selve(n) g(er)de en(de)/ g(er)de ter ande(r) dair gielijs versochte vand(er) kercken wege(n)/ vesticheyt bezundert kynnisse van hen te hebben(e) voe(r) scepen(en)/ van loeven(en) vander hueri(n)gen vand(en) kerckhof weyden ald(aer)/ die zij op seke(r) vorweerden samentlijck gedaen hadden dit jae(r)/ om xv(½) pet(er)s te xviii stuv(er)s tstuck s(in)te m(er)tensmisse/ naistcomen(de) te betalen(e) hoopen(de) dat hem die vesticheid(en)/ en(de) opde vorweerde(n) dair af geschiet die hij p(rese)nteerde te/ thoene(n) ofts noot ware ende hem dat ontkynt ware/ ende hem dat ontkynt wordde gebue(re)n soude hem des/ rapporte(re)nde totten rechte tegen dwelck de voirs(creven)/ g(er)t ende g(er)t luttel oft nyet seggen(de) noch dat onkynnen(de)/ mair hen selve(n) tegen malcande(re)n in geschille setten(de)/ om der selver weyden wille Te voirde(r) want gheert/ zeels allig(er)de dat zijn p(er)den die hij opde weyde voirs(creven)/ bij g(er)t ghierijs p(er)den gedaen hadde deen verloren en(de)/ ontloopen oft genome(n) was ende dande(r) alzoe gehanteert/ van gheerts p(er)de dat dat verrect was ende alzoe boet/ hij te bewijsen(e) dat zijs met malcande(re)n eens wordden/ wae(re)n dat gheert ghierijs dese weyde alleene behoude(n)/ soude tot zijnen laste en(de) g(er)t zeels soude d(aer)af sceyde(n)/ behalven van des g(er)t zeels p(er)de d(aer)af geedt mocht/ hebbe(n) zedert der hueri(n)gen voirs(creven) die geschiede opte(n) ii[te(n)]/ dach maii lestleden des souden zij neme(n) goede mans/ om dat te taxe(re)n ende middelen ende dat p(ar)tien d(aer)mede/ te vrede(n) zijn souden in veerzijden Ende want gheert/ ghierijs dit ontkynde soe es d(aer)op de waerheyt aenhoert/ die des den selven g(er)de zeels gestonden soe verre/ dat bij uuytsprak(en) vand(er) stadt de selve g(er)t ghierijs/ get(er)mineert es de selve hueringe zijnen laste te behouden(e)/ en(de) dair af de voirs(creven) geeysschte kynnisse te doene en(de)/ g(er)de zeels d(aer)af tontheffen(e) in (con)s(ili)[o] opidi p(rese)ntib(us) buetsele/ burg(imagistr)[o] et plu(r)ibus aliis tam scab(inis) q(uam) cons(iliariis) maii xv