Als vander questien gecome(n) bijde(n) raide vander stadt tussche(n)/ marien gheylarts weerdynne jans van rillair ter eenre/ ende der weerdynne(n) willems lambrechts geheete(n) [vacat]/ aengaen(de) eender coe die de selve marie der weerdynne(n) des/ voirs(creven) willems verhuedt hadde twee pet(er)s tsjaers innegaen(de)/ inde m(er)te lestleden Dair af de selve weerdynne des voirs(creven)/ willems ter stont geven soude eene(n) pet(er) en(de) den ande(re)n bynne(n)/ jairs oft voir den selve(n) yersten pet(er) moegen bote(r) leve(re)n/ Dwelc de selve niet geacht(er)volcht en hadde bege(re)nde d(aer)af/ trecht en(de) oick vesticheyt van hue(re)r coyen ten ynde vand(en) jae(r)/ van die weder te hebben want zij beduchte nae gelegenth(eit)/ der selv(er) gehuysschen d(aer)aen niet te conne(n) gerake(n) ten ynde/ vanden selven tijde Dair tegen de voirs(creven) weerdynne des/ voirs(creven) willems luttel oft niet vele en alligeerde tot e(n)nige/ effect dienen(de) Es geappointeert dat de voirs(creven) weerdynne/ des voirs(creven) willems der voirs(creven) marien ter stont vernuegen/ zall vanden voirs(creven) peet(er) ende vand(en) vorweerden in dien/ navolgen(de) der hueri(n)gen d(aer)af gebuert ende d(aer)af en(de) oick/ vand(er) wederleveri(n)ghe vand(er) coe der selv(er) marie(n) vestich(eit)/ stellen genoech zijnde Ende oft de selve weerdynne/ des voirs(creven) willems des niet en doet dat dan de selve/ marie hue(r) coe wed(er) sal moegen aenveerden ende sal
//
in dien gevalle de weerdynne des voirs(creven) willems vanden/ voirs(creven) peet(er) ongehouden zijn in (con)s(ili)[o] opidi maii xxix