Opt versueck dat m(ijn) hee(r) van ghete gedaen heeft/ voir den rade vand(er) stadt om uut(er) vroente(n) ont/ slagen te hebben(e) willem(me) lambrechts zijne(n) dienae(r)/ acht(er)volgen(de) d(er) t(er)mi(n)atien vand(er) stadt gegeve(n) junii/ ix lestleden en(de) der borchtocht gedaen op ghiste(re)n/ Nae dien meest(er) joes couckeroul en(de) claes ghiel(is) meye(r)/ van hev(er)le ontbode(n) wae(re)n voir noene te comp(ar)e(re)n voe(r)/ den selve(n) rade om reden(en) te allege(re)n dair bij zij hadd(en)/ moege(n) meyne(n) die borchtocht niet genoech te wesen/ om d(aer)op den selve(n) willem(me) tontslaene Dair voe(r) den/ selve(n) voirnoene mits groot(er) occupatien vand(er) stadt in/ ande(re)n treffeliken saken allen p(ar)tien geseeght was/ vand(er) stadt hen te v(er)trecken en(de) datmen dien voirnoene/ in p(ar)tien saken niet doen en soude ende dat elck he(m)/ v(er)trecken soude ende nae noene wed(er)come(n) Ende/ want genoech kenlijck was van dien ontbieden(e)/ want deselve meye(r) en(de) meest(er) joes dair gesien wae(re)n/ en(de) oick enige van hen nu nae noene hen v(er)thoent/ hadden ende nochtan bijd(er) hant niet en bleve(n) en(de)/ willem lembrechts lange geseten hadde ende de/ borchtocht bij hem gedaen den he(re)n genoech dochte/ nae gelegenth(eit) vand(er) saken uut rappoirte oick van/ enige(n) d(aer)aff genoech kennessen hebbende Ende deselve
//
meest(er) joes en(de) claes ghielis eenwerf and(er)werff/ derdewerff geroepen sijnde beyde voir de raidcame(r)/ en(de) opd(er) zalen niet gecompareert en sijn soe es/ gecleert ende geappointeert bijd(er) wet dat deselve/ willem lembrechts mett(er) selver borchtocht van liebrechte/ jacops gestaen sal en(de) d(aer)op der hachte(n) ontslage(n) wordd(en)/ cor(am) pynnock burg(imagistr)[o] et cert(is) aliis de consilio junii/ xv post nona(m)