Nae dien op heden come(n) zijn inde banck voe(r) meye(r) ende scep(enen)/ van loven(en) g(er)t van ertrijck t(er) eende(r) ende de p(ro)cur(eur) des heerscaps/ van lynthe(r) t(er) ande(r) zijden navolgen(de) den lesten voirgewijsden/ vo(n)nesse tusschen deselve p(ar)tien gegeve(n) seggen(de) ald(aer) de voirs(creven)/ procur(eur) dat alle de goede van lynthe(r) d(aer)op de voirs(creven) gheert/ met sijnen beleyde p(re)tendeerde voirts te varen leen goed(en)/ waren p(rese)ntere(n)de tselve te thoenen ende als vand(en) goed(en)/ van bee d(aer)af begeerde deselve procur(eur) gemerct dat hij die/ ov(er)hadde eene(n) seke(re)n ande(re)n dach om hem d(aer) op te berade(n) en(de)/ aengaen(de) den goeden van mere en(de) aetrode seyde [de] selve dat/ die alsulck niet en wae(re)n dat de voirs(creven) geleydde d(aer)op actie/ soude moege(n) hebbe(n) om sijn gedeput(er)de gebrek(en) d(aer)aene te v(er)halen(e)/ te voird(er) want die vand(er) zijd(en) raes wijlen van lynthe(r) niet/ come(n) en wae(re)n mair van sijnd(er) werdy(n)nen hopen(de) t(er) conclusien/ dat hij aengaen(de) den yersten tot sijne(n) thoene gewese(n) soude/ wordde(n) en(de) vand(en) ande(re)n dach hebbe(n) als voe(r) D(aer)tegen de voirs(creven)/ gheert sustineerde de (con)trarie te weten(e) dat zijn wed(er)p(ar)tie/ ne(m)mermeer thoene(n) en soude dat alle de goede van lynthe(r)/ bij he(m) ov(er)gegeve(n) al leen wae(re)n genoech nochtan sijn hant/ lichten(de) vanden goed(en) van mere ende aetrode mits den reden(en)/ voirs(creven) ende als vanden daige bijde voirs(creven) sijn p(ar)tie gheeyscht/ om opde goede van bee q(ua)me(n) en(de) d(aer) omtrint bij he(m) ov(er)gegeve(n)/ tantweerd(en) Hoepte deselve g(er)t dat sijn p(ar)tie d(aer)op antw(er)den/ soude sonder voird(er) dilay oft vertreck gemerct de lange uutstelle(n)/ in des(er) geduert Es gewesen t(er) manissen smeyers bijd(en) scepen(en)/ den voirs(creven) procur(eur) inden name vanden heerscape aengaen(de) den/ goed(en) van lynthe(r) tot sijne(n) thoene en(de) sijne(n) vermete voirs(creven)/ en(de) als vand(en) goeden van bee en(de) grave(n) (et)c(etera) sal deselve/ procur(eur) eenen dach voer al neme(n) om d(aer)op tantweerden/ als zijne(n) raide gedrage(n) sal Navolgen(de) den welk(en) de voirs(creven)/ procur(eur) dach genomen heeft aengaende den yersten/ op van in dijssendaighe naistcomen(de) over acht daige(n)/ ende als vande(n) tweeste(n) vanden goeden van bee van/ heden ov(er) acht daige(n) in scampno septembr(is) xxiiii