Want meest(er) bertelmeeus kyp secretar(is) der stadt/ van loeven(en) die als p(ro)cur(eur) jouffr(ouwe) m(ar)griete(n) heyberchs wed(uwe) lodewijcx/ wijle(n) uut(er) hellicht come(n) en(de) geleydt es nae des(er) stadt recht/ voir sijn wettich gebreck uut crachte va(n) scepen(en) brieven/ van loeven(en) tot alle(n) den goede(n) beyde have en(de) erve reyners/ wijlen wijlen vand(er) rivie(re)n al(ia)s daneels soe/ wair die gelegen sijn hem met brieven/ van des(er) stadt gescreve(n) gescreven aenden meye(r)/ van zichen(en) oft zijne(n) stadhoude(r) alle de selve goede/ voirs(creven) behoirlijck heeft doen leve(re)n ende der/ weduwen en(de) kinde(re)n des voirs(creven) wijle(n) reyners dach/ van rechte alhier te compare(re)n inde banck/ voir meye(r) en(de) scepen(en) va(n) loven(en) oft zij he(n) d(aer)tege(n) hadde(n)/ wille(n) oppone(re)n Ald(aer) zij niet come(n) en zijn noch nyema(n)t/ van hue(re)n wege(n) den voirs(creven) geleydde(n) altijt compare(re)nde en(de) trecht/ voirt v(er)sueken(de) soe hebben t(er) manissen smeyers de scepen(en)/ van loeven(en) nae dat hen behoirlijck heeft gebleken/ uut resc(ri)pte henr(ix) cortema(n)s stadhoude(r) des smeyers/ van zichen(en) tot houdert gewesen voir een vonnesse/ wair de wed(er)p(ar)tie des voirs(creven) geleydde(n) niet en compareerde/ voe(r) den opstaen(en) smeyers en(de) der scepen(en) datme(n) den selve(n) geleydde(n)/ vanden voirs(creven) goeden houden soude inde macht/ van zijne(n) beleyde scepen(en) brieve(n) en(de) leveri(n)gen alsoe/ verre alst noch voir scepen(en) come(n) es in scampno oct(obris) vi