Want robb(er)t de huy als geleydt nae des(er) stadt/ recht voir sijn wettich gebreck uut crachte van scepen(en)/ brieve(n) van loven(en) tot allen den goeden beyde have/ ende erve jans gazeal edne jans gazeal sijns/ soens soe wair die gelegen sijn hem met brieve(n)/ van des(er) stadt gescreve(n) aenden meye(r) van gest/ a geropont oft zijne(n) stadhoude(r) alle deselve goede/ behoirlijck heeft doen leve(re)n en(de) de voirs(creven) vad(er) en(de)/ sone dach van rechte te compare(re)n inde banck voir/ meye(r) en(de) scepen(en) van loven(en) doen besceyden oft zij hen/ tege(n) deselve leveringe hadden willen oppone(re)n/ Aldair zij op heden als ten verstreken(en) daige/ nyet gecompareert en zijn noch procur(eur) van/ hue(e)n wegen den voirs(creven) geleydden altijt compare(re)nde/ en(de) trecht voirt versueken(de) soe v(er)re dat de scepen(en)/ van loven(en) t(er) manissen smeyers nae dat hen bij/ rappoirte en(de) cleernissen jans vande(n) bossche behoirlijck/ gebleken heeft de voirs(creven) leveringe ende dach besceydi(n)ge/ gesciet te sijne gewesen hebben voir een vonnesse/ Wair de wed(er)p(ar)tie des voirs(creven) geleydden nyet en/ compareert voe(r) den opstaen(en) smeyers en(de) d(er) scepen(en)/ datmen den selve(n) geleydden houden soude inde/ macht van sijne(n) beleyde scepen(en) brieve(n) en(de) leveringe(n)/ alsoe v(er)re alst noch voir scepen(en) comen es in scampno/ octobr(is) xxix