Want jan van coelen als geleydt nae des(er) stadt/ recht voir sijn wettich gebreck uut crachte van scepen(en)/ brieve(n) van loven(en) tot allen den goeden beyde have/ en(de) erve arnts de cock sone wijle(n) henricx soe wair/ die gelegen sijn hem met brieve(n) van des(er) stadt/ gescreve(n) aend(en) meye(r) van huldenb(er)ge oft sijne(n) stadh(ouder)/ alle deselve goede behoirlijck heeft doen leve(re)n en(de)/ den voirs(creven) arnde de cock dach van rechte te compare(re)n/ inde banck voir meye(r) en(de) scepen(en) van loven(en) doen/ besceyden oft hij hem tege(n) deselve leveri(n)ge hadde/ willen oppone(re)n Aldair hij op heden als ten v(er)streken(en)/ daige niet gecompareert en es noch oick procur(eur)/ van sijne(n) wegen den voirs(creven) geleydden altijt compa/ re(re)nde en(de) trecht voirt versuekend(de) soe v(er)re dat de/ scepen(en) van loven(en) t(er) manissen smeyers nae dat/ hen bij rescripte wout(er)s ca(m)marts meyers van hulde(n)/ berghe gebleken heeft de voirs(creven) leveri(n)ge en(de) dach/ besceydinge gesciet te sijne gewese(n) hebben voir een/ vonnesse wair de wed(er)p(ar)tie des voirs(creven) geleydd(en)/ niet en compareert ten opstaen(e) smeyers en(de) d(er) scepen(en)
//
datmen den selven geleydden houden soude/ inde macht van sijnen beleyde scepen(en) brieve(n)/ ende leveringen alsoe v(er)re alst noch voir/ scepen(en) comen es in scampno nove(m)br(is) xxvi