Nae dien tot diversen stonden bijden rade vand(er)/ stadt sijn gecompareert meest(er) henrick [vacat]/ t(er) eenre en(de) oick met hem de procur(eur) vand(en) r(e)geerd(ers)/ vand(er) clerckcapelle(n) opde veemerct te loven(en) t(er) eend(er)/ zijd(en) en(de) vrouwe katlijne van lyefkenrode wettige/ medegeselli(n)ne he(re)n jacops van hald(er) ridd(er)s t(er) ande(r)/ zijde aengaen(de) den wercke dwelck de voirsete des/ voirs(creven) meest(er) henr(ix) ae(n)genome(n) hadde te maken(e) bove(n)/ s(in)te anthonis outaer ald(aer) en(de) d(aer)nae de voirs(creven) meest(er)/ henrick nae inhoudt van zeke(re)n bescheide d(aer)af wesen(de)/ versueken(de) deselve betalinghe nae vele voerhande/ ling(en) in desen gebuert ende bezund(ert) nae dien dat/ dwerck volbracht was en(de) gevisiteert eensdeels soe/ hij seyt bij e(n)nig(en) meest(er)s die he(n) des verstaen mocht(en)/ die aengaen(de) d(er) betalinge(n) he(m) comen(de) een zeker accort/ en(de) appointement hadden hulpen maken als dat/ den voirs(creven) meeste(re)n henr(icke) noch come(n) soud(en) xliii rinssche/ gulden(en) en(de) in dien bij tusschen spreken(en) vand(en) selve(n)/ meest(er)s en(de) ande(re)n vrind(en) afgegaen was wel de/ so(m)me van xl geliker guld(en) he(m) comen(de) alsoe als voe(r)/ de voirs(creven) xliii rinssche gulden(en) he(m) des gedragen(de)/ tott(er) wairheyt hopen(de) die alsoe van my vrouwen/ voirs(creven) te trecken(e) ind(er) weerd(en) als die pe(n)ni(n)gen nu/ cours hebben Dair tegen my vrouwe div(er)se reden(en)/ geallegeert heeft seggen(de) dat tselve werck navolgen(de)/ den patroen niet gemaect en was noch voldaen/ ten ande(re)n dat sij ten tijde vand(en) lichte(n) gelde zeke(r)/ pe(n)ninge(n) gestelt hadde opde wissele dair sij oick/ mede meynde voldaen te hebben(e) en(de) dat zij oick/ met meeste(re)n henr(icke) egheen come(n)scap noch vorwerd(en)/ gemaect en hadde en(de) uterlijck op tgheene des meest(er)/ henr(ic) voe(r) hem nam vand(en) appointeme(n)te gebuert/ bij tussche(n) spreken(en) vand(en) meest(er)s diet tselve gevise(n)teert/ hadd(en) als dat meeste(re)n henr(icke) noch comen soud(en)/ xliii rinssche guld(en) bove(n) des hij quite geschoud(en)/ hadde seyde deselve vrouwe tselve werck
//
bij he(m) als dat behoirde nae recht niet gevisenteert/ en was en(de) dat huer momboer en(de) man her jacop/ dat appointement van egheend(er) weerd(en) houd(en)/ en woud(e) want hij dair bij niet geweest en hadde/ en(de) dat alsoe tselve huer noch hem egheen p(re)judijs/ dragen en mochte en(de) datmen dwerck visiteerd(e)/ nae recht en(de) wesmen alsdan bevi(n)d(en) soud(e) moege(n)/ datme(n) in he(m) gehoud(en) soud(e) wesen p(ar)tien alsd(an)/ gehuert woud(en) sij doen des zij van rechts wege(n)/ sculdich wae(ren) oft huer mombour van doene/ met meer woerden ten effecte voirs(creven) bij p(ar)tien/ in weersijd(en) geallegeert Es den selve(n) p(ar)tien hierop/ gelet sijnde bijde(n) selve(n) rade get(er)mineert en(de) uutgesproke(n)/ dat meest(er) henrick met rechte soude moege(n) v(er)volge(n)/ de gheene die he(m) te wercke gestelt hadd(en) en(de)/ d(aer) hij come(n)scap tege(n) mochte gedaen hebbe(n) des(er)/ aengaen(de) om die gehoirt d(aer)op alsdan nae recht/ te geschieden(e) als behoe(re)n soude en(de) hadden die/ hue(re)r beyd(er) questien beslicht sijnde voirts mijnd(er)/ vrouwen oft hue(re)n mombour yet te eyschen(e)/ dat sij dat soud(en) moege(n) doen oick als dat/ behoirt en(de) hue(re)n raidt soud(e) moege(n) gedrage(n)/ act(um) in cons(ili)[o] opidi januarii vii