Allen den ghene(n) dat katlijne van cav(er)soen weduwe jans/ wilen van boxlair in p(rese)ncia heeft geco(n)stitueert (et)c(etera) woute(re)n/ van olmen p(ro)cur(eur) inde cancelrie van brabant om inden/ name van huer voe(r) de eerw(er)dige edele wijse en(de) voirsienige/ hee(re)n m(ijn) hee(r) den cancell(ie)r ende ande(re)n he(re)n vand(en) raide van/ brabant te co(m)pare(re)n tege(n) willem(me) van bossche van bruessele/ om te come(n) kenne(n) oft ontkenne(n) sijn hanteeken aengaen(de) der/ schult van hond(er)t xvii r(yns) g(ulden) en(de) iiii(½) hond(er)t bundele(n) pampiers/ Ende de selve sake totte(n) inde toe te vervolge(n) te sollicite(re)n te/ beleyd(en) te bedinge(n) te wynne(n) te verliesen alle gescrifte(n) en(de)/ libellen ov(er) te geve(n) en(de) te nemen te r(e)plice(re)n te duplice(re)n/ alsoe wel int pri(n)cipael als int accessoir alsoe dicwijle/ en(de) menichwerve(n) als dat behoire(n) sal getuge(n) te sien swe(re)n/ die te batte(re)n en(de) hue(r) depositie te wed(er)leggen ende ofts/ noot gebuerde de voirs(creven) sake te conteste(re)n te reco(n)venie(re)n te/ bescudde(n) ende voirtane gene(r)alijck en(de) specialijck (et)c(etera) p(ro)mitt(ens)/ rat(um) salvo iusto calculo cor(am) b(er)ge hove junii xxv