Eene deylinge ende sceydinge geschiet ende gemaict zijnde/ tusschen denijse ende katlijnen scollen op ende van/ den goeden pachten ende rinten naebescreven hen/ gebleven ende verstorven nae de doot ende aflivicheit/ jans wijlen schollen ende m(ar)grieten [wilen] van ov(er)wynghe/ hue(re)n vader ende moeder Te deylen/ Soe sijn bleven ende gevallen den voirs(creven) denijse/ schollen in sijn deylinge de goede pachten en(de) rinten/ naebescreven Ierst drie dachmale(n) lants geleg(en) aende(n)/ heertwech te thielt tusschen derve wout(er)s bellens/ ende henricx van beckevoirt It(em) de hellicht van/ i(½) zille lants inde bove(n)delle met magriete(n) noele(n)s t(er)/ eenre zijd(en) gelegen ende neve(n) derve pet(er)s dewelde/ t(er) ande(r) zijd(en) It(em) noch een zille lants gelegen aende
//
willige tusschen derve marien voelens henr(ix) vand(en)/ huffle ende wout(er)s bellens It(em) een dachmael lants/ luttel myn oft meer gelegen inde ov(er)ste quartma(n)s hoeve/ bijde beke tusschen derve claes van huffle en(de) wout(er)s bellens/ alijten stoops ende wout(er)s schollen It(em) noch een plecxke(n)/ lants gelegen te thielt neve(n) derve wijle(n) wout(er)s v(er)smissen/ goirts van schoelant en(de) goirts vand(en) velde in drie zijden/ It(em) noch een dachmael en(de) lxxv roeden lants gelegen/ aende wint(er)beke neve(n) derve m(er)tens v(er)smisse(n) aent wilm(ers)/ gat tusschen derve vrancke(n) vand(en) hove goirts vand(en)/ velde ende willems staels It(em) een dachmael lants/ inde houhoeve tussche(n) derve pauwels de welde pet(er)s/ vrancx ende ydelelie(n) staels It(em) noch een half boend(er)/ lant gelegen te wersbeke leengoets datme(n) te leene/ houdt onder den hoff van wanghe te beckevoirt/ It(em) een dachmael beempts inden langendonck tussche(n)/ derve jans dille(n) willems vand(er) beke en(de) symoens/ oliviers It(em) lxxv roede(n) eeussels te gamervelt/ vand(en) gemeynder strate(n) totten dyest(er)sche(n) weghe/ lancx neve(n) een straetken gaende tot beyd(en) wegen/ in drie zijd(en) ende neve(n) derve willems dijcmans/ ende henricx maes vand(en) vierd(en) zijden It(em) een/ eeussel geheeten de bornbeke gelegen neve(n) derve/ des jonche(re)n van winghe ter eenre zijd(en) de kinde(re)/ raeymakers vand(en) ande(r) en(de) henr(icke) vand(en) huffle vand(en)/ derder ende vierd(er) zijden It(em) noch een stuck beempts/ geheeten den wout(er)beemt gelegen te thielt opt/ gam(er)velt tusschen de goede henricx pet(er) t(er) eenre/ willems stoeps t(er) ande(r) It(em) noch eene(n) beempt wijle(n)/ toebehoiren(de) claese wittemans oem der voirs(creven) kinde(re)n/ gelegen te thielt op tgamervelt tussche(n) de goede/ jans de greve ter eenre en(de) pet(er)s vrancx t(er) ande(r)/ It(em) noch een half boend(er) boschs gelegen onder zichen(en)/ t(er) plaetsen geheete(n) te schoensbeke tusschen de goede/ des heyligen geests van dyest ter eenre ende
//
pet(er)s sadelen ter ande(r) It(em) noch een plecxken/ boschs houden(de) omtrint een half zille gelegen/ te schoenbeke voirs(creven) tusschen de goede jorijs van/ molle t(er) eenre en(de) des voirs(creven) pet(er)s zadele(n) t(er) ande(r)/ It(em) noch de hellicht van xv zille(n) boschs gelegen/ te schoenbeke [voirs(creven)] tusschen [vacat]/ dairaf den heiligen geest van diest dand(er) hellicht/ toebehoirt It(em) noch een plecxken boschs opten/ galchberch te thielt tusschen de goede jacops/ wittema(n)s ter eend(er) ende jan valx ter ande(r)/ It(em) noch drie zille(n) boschs te wersbeke tusschen de/ goede jans steenbeecx ter eenre ende de strate/ aldair ter ande(r) sub iu(r)e prius t(er)mi(ni)s de(bi)[to] p(er)solven(dum)/ It(em) eene(n) gouden(en) rijder erfrinten aen vijff goud(en) pet(er)s/ erff(rinten) die woute(r) van mole(n)beke heffende was aen huys/ ende hoff ten driessche(n) gelegen aende strate tusschen/ erven arnts motmans ende machiel reyns goede/ in twee zijd(en) houden(de) omtrint (½) boend(er) It(em) noch/ aen een dachmael eeussels gelegen neve(n) erven henricx/ van schoelant aen drie zijden It(em) noch aen i(½) dach(mael)/ erfs aende oustrate tusschen erven henricx van/ schoelant ende laureys meerts in twee zijden/ met noch ande(re)n panden begrepen in eenen/ scepen(en) brieff van thielt vand(en) daet xiiii[c] xli/ op sint jansdach baptisten It(em) noch eene(n) goud(en)/ rijder erff(rinte) te xxv stuv(er)s ge(re)kent vallen(de) jairlijcx/ xxiii maii aen ende op een huys met zijnd(er) toebeh(oirten)/ groot omtrint een dachmael gelegen te gamervelt/ tusschen erven odilien crauwels pet(er)s bokels en(de) de/ strate in drie zijd(en) toebehoiren(de) pete(re)n p(er)soens nae/ inhoudt eens scepen(en) briefs van thielt de data/ xiiii[c] lxxxv maii xxiii It(em) noch eene(n) rinsgulden(en)/ erffelijck staen(de) verborcht voir scepen(en) van thielt
//
met matheeuse vrijman als principael ende henr(icke)/ de roeme(re) als borghe nae inhoudt eens scepen(en) briefs/ van thielt de data xiiii[c] lxxxi novembr(is) xxvi/ It(em) noch eene(n) rinsgulden(en) erff(rinte) aen (christ)iaane reyners/ nae inhoudt eens scepen(en) briefs van loeven(en) de data/ xiiii[c] lxxxix januarii xxix It(em) noch xxxiiii stuv(er)s/ erff(rinten) aen ende op i(½) zille beempts geheeten de/ la(m)mershoeve te moelenbeke met meer ande(r) pand(en)/ toebehoiren(de) janne raeymakers nae inhoudt eens scepen(en)/ briefs van mole(n)beke vand(en) daet xiiii[c] lxxxiii/ aprilis t(er)cia It(em) noch xxvi stuv(er)s erff(rinten) aen en(de) op/ een dachmael beempts geheeten de bornbeke gelegen/ te thielt toebehoiren(de) kerstinen maes nae inhoudt/ eens scepen(en) briefs van thielt de data xiiii[c] lxxxv/ febr(uarii) xx[a] It(em) noch dertich stuv(er)s erfts(rinten) aen ende/ op placke beempts gelegen te meensele tussche(n) erve(n)/ gheerts peet(er)s willems zoen(e) in twee zijd(en) en(de) jans/ p(er)soens t(er) derder zijd(n) nae inhoudt eens scepen(en) briefs/ van cu(m)ptich de data xiiii[c] lxxxix novembr(is) xxii/ It(em) eene(n) ryd(er) te xxv stuv(er)s erff(rinte) aen pete(re)n reyniers/ ende sijn borgen met scepen(en) brieven van loeven(en)/ vand(en) daet xiiii[c] lxxx m(ar)tii ulti(m)a It(em) noch een/ mudde erfpachts dair voe(r) veroblig(er)t staen zeke(r)/ p(er)soene(n) als scepen(en) kercmeest(er)s heyligeestmeesters/ van meenssele inden name vanden selven dorpe/ bebrieft met scepen(en) brieven vand(er) capellen It(em)/ eene(n) ryder lijfpen(sie) aen reyne(re)n van braempt/ pete(re)n van braempt ende gheerde vlaeye woenen(de)/ te wersbeke ten liven des voirs(creven) denijs ende/ katlijne(n) sijn(er) zust(er) verbrieft voir scepen(en) van/ loeven(en) a(n)no xiiii[c] lxxxv junii xx[a] It(em) noch/ eenen rinsgulden(en) lijfpen(sie) aen pete(re)n stroten staende/ ten liven denijs en(de) zijnd(er) sust(er) voirs(creven) nae inhoudt/ eens scepen(en) briefs van loeven(en) febr(uarii) xvi li(br)[o] lxx
//
It(em) dertich stuv(er)s lijfpen(sien) ten liven der voirs(creven) denijs/ ende zijnre zust(er) aen willem(me) rellema(n)s ende/ jacoppe wittema(n)s nae inhoudt eens scepen(en)/ briefs van loeven(en) de date xiiii[c] lxxxiii m(ar)tii/ xxvi It(em) noch eene(n) ryd(er) lijfpen(sie) ten live der/ voirs(creven) denijs ende katlijne(n) aen henr(icke) de pape/ jacoppe delma(n)s ende jacoppe dijckma(n)s woenen(de)/ te beckevoirt verbrieft voir scepen(en) van loeven(en)/ a(n)no xiiii[c] lxxxiii m(ar)tii xxiii It(em) noch eenen/ rijder lijpen(sie) ten liven der voirs(creven) persoenen/ aen henr(icke) vlaeye ende pete(re)n vlaeye zijnen/ brueder woenen(de) te beckevoirt verbrieft voir/ scepen(en) van loeven(en) a(n)no xiiii[c] lxxviii januarii s(e)c(un)da/ It(em) noch eene(n) ryd(er) lijfpen(sie) tot hue(re)r beyder live(n)/ aen janne cuttens wijle(n) henr(ix) zoen(e) janne en(de)/ goirde cuttens gebruede(re)n woenen(de) sinte m(er)tens/ thielt verbrieft voir scepen(en) van loeven(en) a(nn)[o] xiiii[c]/ lxxx maii xv It(em) noch eenen ryder lijfpen(sie)/ tot hue(re)r beyder liven aen janne cuttens wijlen/ claes sone ende henr(icke) cuttens zijne(n) brued(er) woenen(de)/ te thielt v(er)brieft voir scepen(en) van loeven(en) a(nn)[o] xiiii[c]/ lxxxii febr(uarii) vii Hanc quoq(ue) et sat(is)/ pprout cor(am) berghe tymple januarii xix