Vand(er) questien ende geschille wesen(de) tusschen/ goessen(en) van baussele voir he(m) selve(n) en(de) als procur(eur)/ jouffr(ouwe) marien en(de) m(ar)griete(n) van baussele zijnd(er) suste(re)n
//
t(er) eenre en(de) jouffr(ouwe) alijten van godssenhove(n) wed(uwe)/ jans wijle(n) van baussele t(er) ande(re) soe uut sake(n)/ van huwelijcker vorweerden des voirs(creven) wijle(n)/ jans en(de) wijle(n) jouffr(ouwe) anne(n) tollers sijnd(er) yerst(er)/ weerdi(n)nen en(de) van tgheene des den selve(n)/ gehuysschen bijde(n) ouders vande(n) selve(n) wijle(n)/ janne inde(n) selven yerste(n) huwelijck toegeseeght/ ende geloeft mach sijn Oick aengaen(de) der rekeni(n)ge(n)/ bijde(n) selve(n) wijle(n) ja(n)ne gedaen wijle(n) zijnd(er) moed(er)/ anno lxxxviii beyde van ontfange en(de) uutgeven(en)/ geruert in eend(er) lang(er) cedullen bijd(er) hant desselfs/ wijle(n) jans gescreve(n) ende besund(er)t vand(er) valuatien/ vand(er) reste van omtrint xli rinsguld(en) ald(aer) begrepe(n)/ meer ontfange(n) dan uutgegeve(n) Voirts vand(en)/ brieve(n) van zittert van acht mudd(en) core(n)s erff(elijck)/ en(de) ande(re)n geschillen die tusschen hen voirde(r) te/ des(er) tijt moege(n) uutstaen d(aer)aff ind(er) uutsprake(n)/ me(n)tie gemaict sal moege(n) wordd(en) Voirts van/ alsulken pe(n)ni(n)gen den voirs(creven) goessen(en) en(de) sijne(n)/ suste(re)n te laten volgen als de stadt van diest/ sculdich bleve(n) es hue(r) lied(en) moed(er) ende des alle(n)/ dien ae(n)cleeft hebben hen deselve p(ar)tien gesub/ mitteert en(de) v(er)bonden in segge(re)n en(de) vriendelijcke/ yffene(re)n in gerard(us) van baussele en(de) henr(icke) hanckart/ secretar(is) d(er) stadt van loven(en) in sulk(er) vuegen dat/ de segg(er)s hen op p(ar)tien geschille informe(re)n sulle(n)/ op dat zij niet genoech geinformeert en sijn en(de)/ hue(r) eendrechtige uutsprake d(aer)aff doen bynne(n)/ xiiii nachte(n) naistcomen(de) op dat zijs een sijn/ promitt(entes) rat(um) cor(am) hermeys nausnydere/ martii xiii