Item deselve p(ar)tien in wed(er)sijd(en) hebben gecleert en(de) gekint/ dat den voirs(creven) coep der voirs(creven) goeden tusschen hen gedae(n)/ en(de) toegegaen es alse dat de voirs(creven) jacop bove(n) de/ voirs(creven) tsestich rinsgul(den) sculdich sal sijn te dragen/ en(de) te cuelen den voirs(creven) erfpacht uute(n) voirs(creven) goeden/ gaende van vier jae(re)n lestleden v(er)loepe(n) aende gene/ die die d(aer)op heffen(de) es dwelck deselve jacop alsoe oick tzijne(n)/ laste genome(n) heeft cor(am) eisd(em)