Item willem wijtfliet in p(rese)ncia heeft genome(n) ende/ bekindt genome(n) te hebben van hee(re)n ada(m)me vanden/ boeg(ar)den pater des goidshuys van sinte m(er)tens te loeven(en)/ vijfthien boende(re)n lants luttel min oft meer alsoe die/ gelegen zijn in diversen stucken te ha(n)nuyt en(de) d(aer)omtrindt/ ende xxvii dousijne(n) corens erfspachts die tvoirs(creven)/ goidshuys jairlijcx heffen(de) es op seke(r) erfgoede aldair/ gelege(n) Te houden te hebben te wynnen en(de) te werve(n)/ ende te heffen van nu voirtane eene(n) t(er)mijn van negen/ jae(re)n lanck due(re)nde deen nae dande(r) sonder middel/ vervolgen(de) elcx jairs d(aer)embynne(n) te weten(e) de drie yerste jae(re)n/ vanden voirs(creven) t(er)mijne om niet sonder den goidsh(uys) dair af yet te/ betalen dair af den yerste(n) valdach vande(n) selve(n) drie jae(re)n/ zijn sal tsint andriesmisse naistcomen(de) Item dander vier jae(re)n/ dair nae elcx jairs om ende voe(r) xvi mudde corens pacht/ van ha(n)nuyt en(de) lovensche mate en(de) dander jaer te weten(e)/ dachste jair vande(n) selve(n) t(er)mijne om en(de) voe(r) xviii gelijcke(n)/ mudde corens ende dleste jair te weten(e) dnegenste jair/ vande(n) selve(n) t(er)mijne om ende voe(r) twintich gelijcke mudde/ corens jairlijcx ts(in)t andriesmisse apostels te betalen(e) en(de) te/ thienen te leve(re)n den voirs(creven) goidshuys van s(in)te m(er)tens en(de)/ vry van allen beden en(de) sonder e(n)nigen cost oft last desselfs/ goidsh(uys) jairlijcx den voirs(creven) t(er)mijn due(re)nde quol(ibe)t ass(ecu)[tu(m)]/ Met conditie(n) dat de voirs(creven) willem de voirs(creven) wynnen(de)/ lande(n) wynne(n) werve(n) sal gelijck regenoete(n) bove(n) ende/ benede(n) Item es vorweerde oft de voirs(creven) willem e(n)nige/ schade lede aende voirs(creven) goede bij gemeyne(n) tempeeste/ oft luden van wapen(en) dat tgoidshuys hem d(aer)af cortte(n) sal
//
gelijck regenoete(n) boven en(de) beneden Es voirt condicie dat/ tgoidshuys den voirs(creven) willem(me) alle behulp doen sal om de/ voirs(creven) xxvii dousijne(n) corens jairlijcx den voirs(creven) t(er)mijn/ due(re)nde op te bue(re)n en(de) tontfange(n) bij alsoe willem die/ niet gecrige(n) en conste vanden ghene(n) die die sculdich zijn/ dat tgoidsh(uys) hem die afslaen sal aen den voirs(creven) pacht/ cor(am) absoloens nausnyde(re) ap(ri)lis x