Nae dien dat op heden bijden raide vander stadt zijn/ gecompareert gheert van overdijle ter eende(r) ende/ jan vanden kerchove als procur(eur) willems oems ingeseten(en)/ der stadt van dordrecht ter ande(r) zijde(n) aldair de voirs(creven) g(er)t/ versocht exhibe(re)nde ten yersten een seke(r) instrume(n)t/ getheekent bij hee(re)n he(n)rick bolle p(ri)este(r) notar(is) vand(er)/ daet xiiii[c] xcii inhouden(de) in effect seke(r) obligacie/ en(de) scult br(ieve) tande(re)n tijde(n) bijder stadt van dordrecht/ voirs(creven) bekynt en(de) gegeve(n) den eerbe(re)n meeste(re)n jorijse/ vander mu(n)te oft den thoende(r) des briefs ter so(m)me(n)/ van hondert pont vlems tot seke(re)n t(er)mijne(n) te betalen(e)/ nae inhouden der selver obligacie(n) nae alle rechtvorderi(n)g(en)/ tande(re)n tijden bijden selve(n) g(er)de alhier gedaen en(de) v(er)volcht
//
zoe voe(r) meye(r) ende scepen(en) ende bijden raide alhier gehoude(n)/ te werdden(e) in alsulcken pe(n)ni(n)ge(n) als hem tande(re)n tijden mette(n)/ vo(n)nissen der zelver scepen(en) ende der stadt aengewesen mochten/ zijn den voirs(creven) willem(me) oem toebehoiren(de) de welcke hij/ vonden hadde in hande(n) gheerts zeels molde(r) bynne(n) des(er) stadt/ woenachtich bege(re)nde oick ter sterckenissen en(de) sekerheid(en)/ van dien alle de selve rechtvorderinge(n) ende t(er)minacie(n) bijde(n)/ wethoude(re)n oversien en(de) gevisenteert te hebben Dair tegen/ de voirs(creven) jan vande(n) kerchove inde(n) name als bove(n) v(er)socht/ heeft nae dovergeven van seke(re)n br(ieve) der selver stadt van/ dordrecht aen dese stadt gescreve(n) den selve(n) g(er)de onderwesen/ te hebben de pe(n)ni(n)ge(n) bij he(m) getoge(n) den voirs(creven) willem(me)/ weder te geven ende hadde hij uuyt crachten vand(en) voirs(creven)/ obligacie(n) der stadt van dordrecht yet te volge(n) dat hij/ dat volgen soude voe(r) mijne(n) hee(r) den stadhoude(r) en(de) m(ijn) hee(re)n/ vanden raide in hollant tegen de selve stadt van dordrecht/ laten(de) den voirs(creven) willem(me) ongemoet Dair op de voirs(creven)/ g(er)dt replice(re)nde hoopte neen verhalen(de) oick int lange/ dafcompst zijn saken dair uuyt den voirs(creven) scult brief/ spruyten(de) quam te weten(e) bij seke(re)n verliese van goede(n)/ op dwater tande(re)n tijden gebuert in recompensien vande(n)/ welcken de selve stadt van dordrecht de voirs(creven) so(m)me/ den voirs(creven) meeste(re)n jorijse bekynt hadde tot behoef der/ gheender die dair bij beschadicht geweest hadden d(aer)af/ de selve g(er)t een was ende was de selve obligacie/ alzoe geleecht inder stadt van brugge in sekerderhant/ ter behulpeniss(en) der gheender die d(aer)inne uuyt saken voirs(creven)/ geint(er)esseert mochten wesen ende dat hij alzoe ter/ vercleernissen vander scult tande(re)n tijden bij hem gecleert/ ende vervolcht gehoude(n) zijn soude wordde(n) inde selve/ pe(n)ni(n)gen bij hem als voe(r) gehave(n) Es uuyt gesproke(n)/ ende get(er)mineert voe(r) recht op al int lange bij de(n) selve(n)/ raide gelet zijnde nae alle voirgeschiedenissen ende/ handelinge(n) dat zij blive(n) bijden vo(n)nissen en(de) t(er)mi(n)acie(n)
//
tande(re)n tijden in desen gev materie(n) tussche(n) p(ar)tie(n) gewesen en(de)/ gegeven ende dat de pe(n)ni(n)g(en) dair questie af es dien/ navolgen(de) den selve(n) gheerde(n) volgen ende bliven zullen/ in mynderniss(en) vander scult tande(re)n tijden bij hem in rechte/ bij eede geverificeert Behoudelijck dat de selve g(er)t gelove(n)/ sal der stadt van dordrecht dair voe(r) inne te staen(e) dat/ de pe(n)ni(n)g(en) bij hem gehaven der selver stadt cortten sulle(n)/ ende in cortingen come(n) aend(er) so(m)me tande(re)n tijden bij der/ stadt gelooft ende bekint ind(en) voirs(creven) geexhibeerde obligac(ien)/ br(ieve) act(um) in (con)s(ili)[o] opidi maii ix