It(em) al eest dat dese guedi(n)ge aldus sympelijck geschiet es soe/ es die nochtan gedaen te dier meyni(n)gen want de voirs(creven)/ gehuysschen tegen den voirs(creven) he(re)n janne gecocht hebbe(n) een/ hoefken met zeke(re)n landen beemden ende eeussele(n) gelegen/ tsinte pet(er)s rode boven den co(m)mer dair voe(r) uutgaen(de) voir/ thien rinsgulden(en) tsjaers mu(n)ten nu loepende erff(elijcke) rinten/ d(aer)aff de vier t(er) quiti(n)gen staen t(er) gelieften vande(n) selven/ gehuysschen elke(n) pe(n)ni(n)ck d(aer)aff met zesthien gelijcke pe(n)ni(n)g(en)/ ende met vollen rinten ende dande(r) zesse eeuwelijck/ zonder quiten blivende d(aer)aff de guedinge noch niet/ gedaen en es mair corts gedaen sal wordden voir hoff/ ende hee(r) d(aer)aff men die houdende es dat boven de vesticheyt/ die herjan behoude(n) sal vande(n) selve(n) zijne(n) thien rinsg(ulden)/ erffelijck aen sijn goede voirs(creven) soe verre die chijsgoede zij(n)/ als hij die dairop ende opden voirco(m)merre uutgegeve(n) sal/ dese voirs(creven) thien rinsgulden(en) erff(elijck) dair hij gelijc voe(r)/ inne gegoedt es den selve(n) he(re)n ja(n)ne ter vesticheyt/ ende verond(er)pandi(n)gen staen zulle(n) ende oic ter/ meerd(er) zekerheyt vanden selven zijne(n) thien rinsgulden(en)/ erffelijck om altijt de selve te moegen verhalen met/ zijnd(er) hofguedingen aen sijn ond(er)pande aldair oft oic/ aen dese(n) voirs(creven) rinte oft oic aen beyde de rinten
//
ende vesticheyd(en) Dwelc van al den selven he(re)n ja(n)ne best/ gelieve(n) sal Alsoe nochtan dat de selve gehuyssche(n) en(de)/ hue(r) goede en(de) rinte altijt met eend(er) betali(n)gen sulle(n) gestaen/ ende al eest dat de voirs(creven) hondert rinsgulden(en) erff(elijck)/ tot sulke(n) prijse nae advenant niet en staen mits dat/ zij inden lichten tijde gecocht zij(n) als de voirs(creven) rinte/ die herjan gelijc voe(r) behoude(n) sal op sijn voirs(creven) goede/ soe is nochtan de meyni(n)ge dat uut(er) geheeld(er) rinten/ van hondert rinsgulden(en) erffelijck lichtsgelts de voirs(creven)/ thien rinsgulden(en) erffelijck ind(en) voirs(creven) guedi(n)g(en) begrepe(n)/ gerekent ende genomen zullen wordden in zwae(re)n/ ghelde ende mu(n)ten nu cours hebbende gelijc de/ selve guedi(n)ge dat begrijpt Ende oft gebuerde dat/ de selve hondert rinsgulden(en) erffelijck afgeleeght wordde(n)/ soe de stadt die afquite(n) soude moegen alst heur geliefde/ datmen uuten geheelen pe(n)ningen van dier afquiti(n)g(en)/ soe vele pe(n)ningen zwairs gelts mu(n)ten nu loepen(de)/ ende gelijc de voirs(creven) guedinge beg(ri)pt aftrecke(n) soude/ om d(aer)mede ande(r) thien rinsgulden(en) erff(elijck) mu(n)ten nu/ loepen(de) Te weten(e) de vier d(aer)aff t(er) quiti(n)gen staen(de) t(er)/ belieften vand(en) voirs(creven) gehuysschen ende dande(r) zesse/ zonder quiten staen(de) elde(r) dairt den selve(n) he(re)n/ ja(n)ne oft zijne(n) nacomeli(n)gen oft actie hebbende/ geliefde mede te coepen om die erfrinte alsoe gecocht/ metten voirs(creven) vercochten goeden veroblig(er)t te bliven/ gelijc de voirs(creven) goede ende rinten ind(er) gued(in)ge(n) begrepe(n)/ nu veroblig(er)t zijn en(de) int uutgeven vande(n) selve(n)/ vercochte(n) goeden v(er)oblig(er)t sullen wordden. Ende te des(er)/ meyni(n)gen es den brieff vanden selven hondert/ rinsgulden(en) erffelijck geleeght tusschen de voirs(creven)/ gehuyssche(n) t(er) eenre ende he(re)n janne t(er) ande(r) zijd(en)/ in een dooze onder de wet alhier cor(am) eisd(em)