Allen den genen dat lod(ewijc) de voeght heeft getra(n)sporteert/ ende ov(er)gegeve(n) zonder wed(er)roepe(n) jacoppe witteman willem(me)/ van leefdale arnde van vroenhove(n) ende gielise de mu(n)te(re) oft/ den eene(n) van hen bring(er) sbriefs alsulken tra(n)sport ov(er)geven/ ende mechticheyt irrevocabel alse hem h(er)man yeve(n) aug(usti)/ xii anno negentich dede vand(en) actien vand(en) beleyde/ dat deselve h(er)man a(n)no lxxxviii nove(m)br(is) xiiii dede/ doen totten goeden jans vlemi(n)ck henricx van bouler/ geheeten de smet ende heeft voirt deselve lod(ewijc) den/ selve(n) jacoppe witteman willem(me) van leefdale arnde/ van vroenhoven en(de) giel(is) de mu(n)te(re) gemechticht de selve/ actie zonder revocatie als voe(r) te vervolgen te vorde(re)n/ te bedingen leveri(n)ge vande(n) goede(n) te neme(n) en(de) oic vo(n)nesse(n)/ ov(er) deselve die te vercoepe(n) te pe(n)neweerde(n) ende de/ profijten dairaff comende inne te heffen te bue(re)n en(de)/ tontfangen en(de) de schult vand(en) scepen(en) brieve dair/ tselve beleyt uut gespruyt es dairaen te neme(n)/ ende die te bekee(re)n t(er) voldoeni(n)gen vanden selven/ scepen(en) brieven soe wel vand(en) ombetaelden pachten/ als vand(en) principale(n) alle guedi(n)gen opdrachte(n) en(de)/ solempniteyten van rechte dairtoe behoiren(de) te doen(e)/ alle saken questien en(de) gedingen dairuut spruyten(de)/ te (con)teste(re)n (et)c(etera) te bedingen te wynnen te verliesen/ componen(di) quitan(ciam) dan(di) cete(r)aq(ue) promitt(ens) rat(um)/ absq(ue) calculo p(re)fato ludovico facien(do) cor(am) berghe naus(nydere)/ januarii xvi