Item m(ar)griete oliviers weduwe wijle(n) jans sprenghers/ heeft met ja(n)ne berain vorste(r) amelrijcke vand(er)/ coevoirt in handen gestelt tot behoeff jans oliviers/ Welke jan als borge des voirs(creven) wijle(n) jans spre(n)gers/ hem met scepen(en) brieve(n) van loven(en) v(er)obligeert heeft/ aend(en) voirs(creven) amelrijcke inde so(m)me van vijftich/ stuv(er)s erffelijck tsjaers de stucken en(de) p(or)ceelen hier/ nae volgen(de) die de voirs(creven) amelrijck van huer/ alsoe bekint heeft ontfange(n) te hebben Ierst/ eene(n) oud(en) gordel v(er)gult It(em) eene(n) over riem v(er)gult/ It(em) eene(n) corale(n) p(ate)r n(oste)r met twee agnus dei ende/ met eene(n) riekende(n) silve(re)n appele en(de) oick met/ eene(n) gulden(en) cruyce al aend(en) selve(n) p(ate)r n(oste)r tsame(n)/ hangen(de) It(em) noch twee tapijte(n)en(de) twee sitteclede(re)n/ Te dier meyni(n)gen wair de voirs(creven) m(ar)griete de/ voirs(creven) rinte niet af en quijt den voirs(creven) amelrijcke/ met vollen pachte en(de) den costen d(aer)op gedaen/ tusschen dit en(de) paesschen naistcomen(de) dat dan/ deselve amelrijck gehoud(en) ende sculdich sal/ sijn om den voirs(creven) ja(n)ne oliviers vand(er) voirs(creven)/ borchtocht te lossen t(er) manissen vand(en) selve(n) ja(n)ne/ oliviers de voirs(creven) juweelen te v(er)coepen en(de) te
//
pe(n)neweerden sond(er) enige voirde(r) rechtvorderinge/ d(aer)toe te v(er)sueken om mette(n) pe(n)ni(n)gen dairaff comen(de)/ de voirs(creven) rinte af te legge(n) mette(n) pachte(n) en(de) coste(n) d(aer)op/ geloepen en(de) den selve(n) ja(n)ne oliviers te lossen bij alsoe/ nochtan oft de voirs(creven) juweelen gepe(n)neweert zijnde/ te cort viele(n) om deselve afquiti(n)ge te doene dat de/ voirs(creven) jan oliviers in dien gevalle vand(en) surplus/ vand(er) rinte(n) sal blive(n) staen(de) op sijn beloep van rechte/ cor(am) tymple hove martii tercia