Vand(er) questien op heden gecome(n) voe(r) den raide/ vand(er) stadt tusschen ja(n)ne van ghele t(er) eenre en(de) cornel(ise)/ vand(er) elst t(er) ande(r) zijde(n) als van xviii molevate(n) rocx/ die de voirs(creven) jan den voirs(creven) cornelise eysschen(de) was/ van twee jae(re)n tsjaers xviii molevate(n) en(de) twee mol(evaten)/ van oudts d(aer)van zij in questien hadd(en) geweest voir/ scepen(en) van wiltsele en(de) ov(er)gegeve(n) in weersijden/ h(ier)aff beslicht te nemen(e) bijd(er) stadt alh(ier) bliven(de) in/ weersijd(en) inde mi(n)lijcke uutsprake d(er) selv(er) stadt/ comen(de) spruyten(de) deselve schult van zeke(re)n lande/ dwelck de voirs(creven) cornel(is) van ja(n)ne te pachte houdt/ en(de) dat van alle jae(re)n lestlede(n) Seggen(de) deselve/ cornel(is) dat hem nae gelegentheit vand(en) tijde afslach/ gebue(re)n soude bezund(er)t vand(en) jae(r) voirled(en) gelijck/ ande(r) bove(n) en(de) benede(n) hem des nochtan in dien/ ke(re)nde inde wethoude(re)n Es geappointeert en(de)/ mi(n)lijck accort uutgesproken dat de voirs(creven) cornelis/ den voirs(creven) ja(n)ne vand(en) xxxviii molevate(n) corens/ dair van questie was als voe(r) betalen sal xxvii/ molevate(n) te weten(e) deen hellicht te paesschen/ naistcomen(de) en(de) dand(er) hellicht s(in)te jansmesse d(aer)nae/ oft d(aer)aff sijne(n) goed(en) moet hebben en(de) mits dien/ vand(en) jae(re)n voirs(creven) beslicht blive(n) in cons(ili)[o] opidi/ martii xxi