SAL7385, Akte: V°457.2-V°458.1 (846 van 1086)
Akte V°457.2-V°458.1
Act
Datum: 1492-04-03
Transcriptie
2019-01-05 door kristiaan magnusVand(er) questien gecomen bijd(en) raide vand(er) stadt tussche(n)/
pete(re)n hanssens als mo(m)boir zijns wijfs aenlegge(r) t(er) eenre/
ende claese m(er)chant verweerde(r) t(er) ande(re) aldair de voirs(creven)/
peet(er) inden name als voe(r) hem eysschen(de) was hond(er)t/
xxxvi rinsgulden(en) eens de welke de selve claes maii xv/
libro lxxxvi in des(er) came(re)n ge(re)gistreert staen(de) geloeft soude/
hebbe(n) voe(r) wet en(de) scepen(en) nae inhoudt desselfs regist(er)s/
janne wijle(n) de coni(n)ck bege(re)nde die nae der hant/
op geleeght te hebbe(n) Dairtegen de voirs(creven) claes
//
hem verwonderde dat de voirs(creven) gelufte niet te/ nyeute gedaen en was bij wijle(n) janne de coni(n)ck/ seydt dat hij den selven janne d(aer)aff wel en(de) dueghdel(ijck)/ vernueght hadde te voirde(r) want hij p(rese)nteerde te/ thoenen des nae volght Te weten(e) dat de voirs(creven)/ jan de coni(n)ck int jair van lxxxvi hem ontboet/ bijd(en) borg(er)meest(er) doen ter tijt wesen(de) arnde vande(n) hove/ eysschen(de) de voirs(creven) schult ende dat claes ontboden/ zijnde die bekinde ende alsdoen zeke(r) redelike(n)/ dagen d(aer)aff gebuerden nae inhoudt vand(en) registre/ voirs(creven) Ende als de dagen verstreken wae(re)n wed(er)om/ quam deselve jan de coni(n)ck aen arnde borg(er)meest(er)/ voirs(creven) bege(re)nde orloff om den selve(n) claese te doen/ houden uut saken vand(en) voirs(creven) geluften en(de) dat/ arnt claese doen d(aer)aff wairschoude ten ynde dat/ hij hem v(er)nuege(n) soude oft hij soude trecht in dien/ moete(n) late(n) geschien Seyde voirt deselve claes he(m)/ des oic gedragen(de) als voe(r) totte(n) selve(n) borg(er)meest(er) dat/ dair nae de selve borg(er)meest(er) quam te gemoete den/ voirs(creven) janne hem vragen(de) hoe stadi met claese/ heeft hij u vernueght oft wes es d(aer)aff en(de) dat de/ coni(n)ck voirs(creven) hem doen antwerde claes heeft my/ vernueght en(de) al mocht de voirs(creven) sijn p(ar)tie allege(re)n/ wairom de selve claes de voirs(creven) gelufte niet en dede/ doode(n) als hij hem vernueght hadde Dairaff p(rese)nteerde/ de selve claes zijne(n) eedt oic ten heyligen dat hij/ niet en wiste dat de voirs(creven) coni(n)ck tselve op/ dboeck hadde doen teeken(en) hopen(de) wair hij des/ gethoene(n) conste dat hij der aenspraken des voirs(creven)/ pet(er)s ongehouden soude wesen Ende nae dien/ de wethouders den selve(n) claese tot zijne(n) thoene in/ dese(n) hebben gewesen tot eene(n) zeke(re)n gelegen(en) daghe/ bij hem d(aer)toe genome(n) ende de selve zijns v(er)mets/ ind(er) mate(n) voirs(creven) genoech volcome(n) es besund(er)t
//
dat de voirs(creven) jan de coni(n)ck in sijne(n) tijde voir/ arnde voirs(creven) als borg(er)meest(er) bekint hadde vande(n)/ selve(n) claese d(aer)af v(er)nueght te zijne Hebbe(n) de/ selve wethoude(re)n uutgesproken en(de) get(er)mineert/ op al gelet hebbende p(ar)tien in wed(er)sijd(en) voirde(r)/ gehoirt dat peeter hanssens met zijne(n) v(er)volghe/ op claese m(er)chant van zijnd(er) geeyscht(er) schult/ verdoelt es ende dat dairaff de selve claes/ ongehoude(n) sal bliven nae dat de wairheyt/ gedragen heeft opde p(rese)ntatie vand(en) eede voirs(creven)/ dien de selve claes gep(rese)nteert heeft in consilio/ opidi aprilis t(er)cia
//
hem verwonderde dat de voirs(creven) gelufte niet te/ nyeute gedaen en was bij wijle(n) janne de coni(n)ck/ seydt dat hij den selven janne d(aer)aff wel en(de) dueghdel(ijck)/ vernueght hadde te voirde(r) want hij p(rese)nteerde te/ thoenen des nae volght Te weten(e) dat de voirs(creven)/ jan de coni(n)ck int jair van lxxxvi hem ontboet/ bijd(en) borg(er)meest(er) doen ter tijt wesen(de) arnde vande(n) hove/ eysschen(de) de voirs(creven) schult ende dat claes ontboden/ zijnde die bekinde ende alsdoen zeke(r) redelike(n)/ dagen d(aer)aff gebuerden nae inhoudt vand(en) registre/ voirs(creven) Ende als de dagen verstreken wae(re)n wed(er)om/ quam deselve jan de coni(n)ck aen arnde borg(er)meest(er)/ voirs(creven) bege(re)nde orloff om den selve(n) claese te doen/ houden uut saken vand(en) voirs(creven) geluften en(de) dat/ arnt claese doen d(aer)aff wairschoude ten ynde dat/ hij hem v(er)nuege(n) soude oft hij soude trecht in dien/ moete(n) late(n) geschien Seyde voirt deselve claes he(m)/ des oic gedragen(de) als voe(r) totte(n) selve(n) borg(er)meest(er) dat/ dair nae de selve borg(er)meest(er) quam te gemoete den/ voirs(creven) janne hem vragen(de) hoe stadi met claese/ heeft hij u vernueght oft wes es d(aer)aff en(de) dat de/ coni(n)ck voirs(creven) hem doen antwerde claes heeft my/ vernueght en(de) al mocht de voirs(creven) sijn p(ar)tie allege(re)n/ wairom de selve claes de voirs(creven) gelufte niet en dede/ doode(n) als hij hem vernueght hadde Dairaff p(rese)nteerde/ de selve claes zijne(n) eedt oic ten heyligen dat hij/ niet en wiste dat de voirs(creven) coni(n)ck tselve op/ dboeck hadde doen teeken(en) hopen(de) wair hij des/ gethoene(n) conste dat hij der aenspraken des voirs(creven)/ pet(er)s ongehouden soude wesen Ende nae dien/ de wethouders den selve(n) claese tot zijne(n) thoene in/ dese(n) hebben gewesen tot eene(n) zeke(re)n gelegen(en) daghe/ bij hem d(aer)toe genome(n) ende de selve zijns v(er)mets/ ind(er) mate(n) voirs(creven) genoech volcome(n) es besund(er)t
//
dat de voirs(creven) jan de coni(n)ck in sijne(n) tijde voir/ arnde voirs(creven) als borg(er)meest(er) bekint hadde vande(n)/ selve(n) claese d(aer)af v(er)nueght te zijne Hebbe(n) de/ selve wethoude(re)n uutgesproken en(de) get(er)mineert/ op al gelet hebbende p(ar)tien in wed(er)sijd(en) voirde(r)/ gehoirt dat peeter hanssens met zijne(n) v(er)volghe/ op claese m(er)chant van zijnd(er) geeyscht(er) schult/ verdoelt es ende dat dairaff de selve claes/ ongehoude(n) sal bliven nae dat de wairheyt/ gedragen heeft opde p(rese)ntatie vand(en) eede voirs(creven)/ dien de selve claes gep(rese)nteert heeft in consilio/ opidi aprilis t(er)cia
Nagekeken door: Karel Embrechts
Moderator: Karel Embrechts
Laatste update:: 2015-08-13 door Agata Dierick