Item jan hubrechts cleermake(r) ter eende(r) ende anne hanckarts/ weduwe joes wijlen zedele(re) nu t(er)tijdt weerdynne jans/ de groote met consente en(de) ten bijsijne desselfs jans huers/ mans ter ande(re) in p(rese)ncia hebben gekindt met malcande(re)n/ veraccordert te zijne in erfvorweerde(n) die zij malcande(re)n/ voir hen en(de) hue(re)n erven en(de) nacomelingen gelooft hebben/ tonderhouden der pointen nae bescreve(n) Te weten(e) ierst/ alse vanden eenen sacke corens erfpachts die de voirs(creven)/ a(n)ne navolgen(de) hue(re)r deylingen voir scepen(en) van loeven(en)/ geschiet ap(ri)lis xiii a(n)no lxxxv nae paesschen en(de) oick/ anderss(ins) sculdich was te dragen en(de) te gelden jairlijcx erfl(ijck)/ uuyten sesse dachmale(n) lants oft d(aer)omtrindt gelegen te/ bynckem int lauwe(n)rod vanden vier gelijcke(n) [sack(en) core(n)s] erfpachts/ die voirs(creven) jan hubrechts op de selve goede en(de) meer ande(r)/ opt tselve velt gelege(n) hadde vercrige(n) tegen huygen roelofs/ en(de) zijne(n) erfgename(n) en(de) ten ande(re)n male vande(n) eene(n)/ sacke corens corens erfpachts die de selve a(n)ne navolgen(de)
//
de selver hue(re)r deylingen hadde aen ende op een stuck lants/ des voirs(creven) jans hubrechts dat reyncken mertens plach toe/ te behoiren geheeten den boschdriesch gelegen aent wout(er)me(n)/ neken Dat in manie(re)n van wisselinghen ende deen/ tegen dande(r) doot quijt ende te nyeute te gane de voirs(creven)/ goede geheeten dlauwe(n)rod en(de) de besitt(er)s van dien tot/ eeuwigen daigen los vry quijt en(de) ombelast sullen blive(n)/ vanden selven eene(n) sacke corens die jan hubrechts d(aer)aen/ als voe(r) gehaven heeft ende voirt oick vand(er) actien die de/ selve jan hubrechts oft zijn nacomelingen aen tselve/ lauwe(n)rod van voirde(r) onderpandinge oft belastingen/ der voirs(creven) vier sacken corens erfpachts te segge(n) moege(n)/ hebben Ende ten ande(r) zijden sal hier tegen doot quijt/ versmolten en(de) te nyeute zijn alsulcke(n) eenen sack/ corens erfpachts alse der voirs(creven) a(n)ne(n) uuyt saken vand(er)/ deylinge(n) voirs(creven) oft anderssins toebehoirde en(de) s zij hadde/ in deylingen opt voirs(creven) tstuck lants jans hubrechts dat/ reynken(e) mertens plach toe te behoe(re)n geheeten den/ boschdriesch alsoe dat gheen van hen oft hue(re)n nacomel(ingen)/ des anders goede voir(creven) vande(n) selven sacke corens oft/ voirde(r) actie voirs(creven) en sal moege(n) met eysschen in gheenre/ manie(re)n mair hebben gelooft malcande(re)n h(ier) af tegen/ eene(n) yegelijcken te rechte inne te stane en(de) gerechte/ warandt te zijne tot eeuwigen daigen cor(am) h(er)meys/ naus(nydere) maii xxi