Item al es de voirs(creven) guedinge aldus sympelijck geschiet soe/ es die nochtan geschiet te dier meyni(n)gen dat de voirs(creven) wed(uwe)/ henricx wijlen van redingen natuerlijcx huer d(aer)mede sal/ moegen lossen en(de) ontslaen van alsulcker borchtocht als de/ selve wijlen he(n)r(ic) hue(r) man opten xii[te(n)] dach van aprille/ a(n)no lxxii voir scepen(en) van loeven(en) en(de) met scepen(en) br(ieve)/ van loeven(en) voe(r) den voirs(creven) henricke van redingen in zijne(n)/ leven(en) hee(r) tot oplynthe(r) ende als borge desselfs desselfs/ hee(re)n van oplynthee(r) gedaen heeft aen willem(me) en(de) yden/ van baussele wettige kinde(re)n willems wijlen van baussele/ van vier ryders te xxv stuv(er)s tstuck lijfpen(sien) ende om de/ selve lijfrinte den voirs(creven) pensionar(is) en(de) den ghenen int(er)est/ d(aer)toe hebben(de) opde voirs(creven) goede te besetten en(de) huer en(de) hue(r)/ nacomelingen en(de) goede vander selver borchtochte te lossen/ en(de) tontlasten Geloven(de) de voirs(creven) anthonijs en(de) jouffr(ouw) marie/ zijn huysvr(ouw) der voirs(creven) weduwe(n) den pensionar(is) oft actie/ en(de) int(er)est hebben(de) vand(en) voirs(creven) lijfpen(sien) in gevalle de voirs(creven) goede(n)/ bove(n) de co(m)me(re)n en(de) lasten dair voe(r) uuytgaen(de) bevonden/ wordde(n) niet genoech zijnde nae des(er) stadt recht voir de/ voirs(creven) vier ryders lijfpen(sien) en(de) de selve pensionar(is) d(aer)mede/ nae der selv(er) stadt niet en derste(n) te vreden wesen Alsdan/ den selven pensionar(is) oft int(er)est vand(er) selv(er) lijfpen(sien) hebben(de)/ ande(r) goede en(de) loflijcke onderpande te stelle(n) d(aer) voe(r) goet/ genoech wesen(de) nae d(er) stadt recht voirs(creven) Ende oft gebreck/ in desen gebuerde bij negligen(tien) der selv(er) anthonijs en(de) jouffr(ouwe)/ marien voirs(creven) sullen de voirs(creven) wed(uwe) h pensionar(is) oft int(er)est/ hebben(de) vande(n) voirs(creven) lijfpen(sien) aut dese voirs(creven) goede en(de) alle ande(r) goede/ den voirs(creven) anth(onise) en(de) zijnd(er) huysvr(ouw) toebehoiren(de) have en(de) erve/ hoedanich die zijn waer die belege(n) zijn oft bevonde(n) zulle(n)/ moege(n) wordde(n) moege(n) vercoepen verthie(re)n versetten/ oft belasten zoe hen dat best believe(n) zal te dien ynde/ dat de voirs(creven) weduwe mits dien vander voirs(creven) borchtochte/ ende vander betalingen vand(en) acht(er)stellen der selver lijfpen(sien)/ met alle coste en(de) lasten bij hue(r) d(aer)om gedaen oft te doene/ zij wae(re)n van rechte oft ande(re)n gerestitueert ende costeloos/ ende scadeloos gehouden ende onthaven te wordden/ ende niet voirde(r) cor(am) eisdem