Aengaende den neghen rinsguld(en) die m(ijn) vrouwe uuyte(n) lyemi(n)ge(n)/ noch gebrake(n) vanden xxvii rinsguld(en) vand(en) beempt hue(re)n van/ eene(n) jae(r) die jan de witte molde(r) huer schuldich was en(de) welke/ jan vand(er) paelt huer p(ro)cur(eur) den selven eyschte van reste vand(en)/ selve(n) jae(r) versuecken(de) d(aer)aff betalinge D(aer)tege(n) deselve jan/ de witte meynde meer dan genoech en(de) over betaelt te hebbe(n)/ want hij op die xxvii rinsg(ulden) die bellix soe hij seyde mair/ licht gelt sijn en souden want die hueri(n)ge gebuert was ind(en)/ lichte(n) tijde betaelt hadde de voirs(creven) xviii r(ins)g(ulden) swairs gelts/ ende alsoe niet meer en soude derve(n) van dien betale(n) D(aer)tege(n)/ de voirs(creven) jan vander paelt de (contra)rie hielt te voirde(r) want/ die hue(r) inden swae(re)n tijt gevalle(n) was al mocht de hueri(n)ge inde(n)/ lichten tijde sijn gebuert Es mi(n)lijck tussche(n) p(ar)tien uutgesprok(en)/ voe(r) den raide vander stadt nae dats he(n) deselve jan en(de) jan/ inden name als voe(r) mi(n)lijck tott(er) stadt hadden gekeert dat/ deselve jan de witte gehouden soude sijn m(ijn) vrouwe(n) te betalen(e)/ voe(r) de voirs(creven) ix r(ins)g(ulden) reste(re)nde sesse r(ins)g(ulden) goets gelts en(de)/ d(aer)mede goede gevrinde zijn ende want sij niet en consten/ veraccorde(re)n inde(n) t(er)mijne(n) van betali(n)gen van dien Soe/ was gelast den selven janne de witte d(aer)aff te gaene bij/ m(ijn) vrouwe(n) en(de) te crigen van huer sulke(n) bequame(n) daige(n)/ alst he(m) moegelijck wae(r) oft and(er)ss(ins) oft zij in dien niet/ en consten veraccorde(re)n mochte(n) zij d(aer)aff wedercome(n) bijd(en) wet/ in cons(ili)[o] opidi augusti penulti(m)a