It(em) jan de wynne sone jans woenen(de) tsint/ jorijs te weerde in p(rese)ntia heeft gehuert en(de) bekint/ gehuert te hebben(e) tegen joh(ann)ese van nuwenborch als/ procur(eur) he(re)n machiels absoloens ridders zeke(r) beemde/ houdende omtrint zesse boende(re)n gelijc die gelegen/ sijn te weerde geheeten de beempde van schore/ aenden schoerplasch Te houden ende te hebben van/ sinte m(er)tensmesse a(n)no lxxxix eenen t(er)mijn van/ negen jae(re)n lanck due(re)nde deen nae dand(er) zonder/ middel v(er)volgen(de) elcx jairs dae(re)nbynnen om ende/ voe(r) veertich grijpen te xl pl(a)c(ken) elke g(ri)pe ge(re)kent/ Alle jae(re) sinte m(er)tensmesse te betale(n) ende ombegrepe(n)/ te kersmesse volbetaelt te zijne den voirs(creven) he(re)n/ machiele oft zijne(n) procur(eur) quoli(bet) ass(ecutu)[m] It(em) de voirs(creven)/ jan de wynne sal de thuyne(n) ende grechte(n) vand(en)/ voirs(creven) goede(n) den voirs(creven) termijn due(re)nde wel ende/ loffelijck onderhouden ende die laten tzijne(n) afsceyden/ wel ende loffelijck bevreedt ende gegricht gelijc/ hijse aenveert heeft des hem de selve joh(ann)es van/ nuwe(n)borch inden name als voe(r) gedraight tot/ gielise maes janne heyns en(de) janne de/ hoeymake(re) die die alsoe alsnu gemaict ende/ bevreedt hebben dair voe(r) zij gehadt hebben/ xix rinsgulden(en) It(em) de voirs(creven) jan sal sculd(ich)/ sijn de dijle tonderhouden ten wae(re) dat
//
ov(er)last quame van wate(r) dat hijse niet gehouden en/ conste dwelc oft soe geviele sijn soude ten laste des/ voirs(creven) he(re)n machiels Item sal de selve jan alle jae(re)/ vanden voirs(creven) t(er)mijne(n) planten opde voirs(creven) goede xxv/ poote(n) ende des sal hij moegen truncken aende/ willege(n) en(de) anderssins ter mi(n)ster scaden om d(aer)mede/ de voirs(creven) goede te bevreden ende te v(er)make(n) alsoe/ verre als des behoeft ende niet voirde(r) It(em) int/ opgaende hout en sal jan de wynne gheene(n) sacht/ hebbe(n) It(em) deselve jan sal oic de wat(er)leyden ende/ grechte(n) sculdich sijn te vegen ende te ruymen/ alsoe dat he(re)n machiele voirs(creven) d(aer)aff gheen scade en/ come vanden hie(r) oft anderssins ende oft gebuerde/ dat jan die scade tzijne(n) laste drage(n) sal ende dat/ hij egheen trunchout noch and(er) en sal moege(n) houwe(n)/ vanden goeden dan soe vele als behoeven sal nootlijck/ de goede mede te bevreden Ende alle dese vorweerd(en)/(et)c(etera) inde sunt fideiussores d(i)c(t)i joh(ann)is de wynne/ joh(ann)es de wynne eius p(ate)r co(m)morans apud weerde/ p(re)d(i)c(tu)m et arnoldus de hertoge co(m)morans apud hev(er)le/ et p(ri)mus cor(am) hermeys hove octobr(i) quarta