Want jouffr(ouw) katlijne van langrode weduwe jans/ wijlen de witte welc wijle(n) jan inden jae(re) van/ eene(n)vijftich met guedingen van scepen(en) brieven van/ loeven(en) gegoedt weerdt onder den ande(re)n in twee/ mudden rocx goets ende paiabels mate van loeven(en)/ erfpachts s(in)t andriesmesse apostels te betalen(e) en(de)/ te loven(en) te leve(re)n die wijlen dierick van langrode/ huer vader ende jouff(ouw) magdalene sijn leste wijff/ hadde(n) ende houden(de) wae(re)n aen ende op de(n) eygen(en)/ goede hier nae bescreve(n) te he(re)nt en(de) int lant/ van he(re)nt gelegen Te weten(e) aen en(de) op drie/ dachmale(n) lants gelege(n) opde heye geheete(n) groote/ heye tussche(n) tsroeyen goede ende de goede wijle(n)/ symoens van coelen It(em) aen ende op i(½) dach(mael)/ ende xiiii roeden lants gelege(n) opde plaetsse geheete(n)/ opden berch tussche(n) de goede wijle(n) arnts vand(en)/ roest ende symoens van colen It(em) aen ende op/ lx roeden lants gelege(n) opde breempt tussche(n) der/ zielmesse(n) goede van he(re)nt ende jans vand(er) stoct/ It(em) aen ende op drie vie(re)ndeel lants gelege(n) int/ selve velt neve(n) de donckerstrate tusschen de/ goede wout(er)s wijle(n) eveloege en(de) symoens van/ colen ende noch aen ende op xxxvi roeden/ lants gelege(n) opden hopbeempt tusschen de goede/ jans hers en(de) de keerlande hem met/ brieve(n) van des(er) stadt gescreve(n) aende(n) meye(r) van/ he(re)nt oft zijne(n) stadhoude(r) alle de selve goede/ ende ond(er)pande metgaders den vruchte(n) ende/ haeffelike(n) goeden in ende opde selve goede ende/ onderpande wesende soe verre die den gerechtige(n)/ proprietar(is) der selver toebehoiren behoirlijck
//
heeft doen leve(re)n ende vrancke(n) vand(er) hulst en(de) ande(re)n/ hande aende selve goede hebbende dach van rechte/ alhier te compare(re)n inde banck voir meye(r) ende/ scepen(en) van loeven(en) oft hij he(m) d(aer)tege(n) hadde wille(n)/ oppone(re)n doen bescheyden Aldair de selve vranck/ op heden als ten verstreken(en) daghe niet gecompareert/ en es noch nyema(n)t anders van zijne(n) wegen/ ende de voirs(creven) jouffr(ouw) katlijne trecht voirt v(er)socht/ heeft soe hebben de scepen(en) van loeven(en) t(er) maniss(en)/ smeyers nae dat hij hen behoirlijck heeft gebleke(n) bij/ rapporte cornelis reyns des(er) stadt bode tvoirs(creven)/ exploit behoirlijck geschiet te zijne gewijst hebbe(n)/ voir een vonnesse wair de wed(er)p(ar)tie der voirs(creven)/ jouffr(ouwe) katlijnen niet en compareerde voe(r) den/ opstaen(en) smeyers en(de) der scepen(en) datmen de voirs(creven)/ jouffr(ouwe) katlijne(n) vand(en) voirs(creven) goede(n) houde(n) soude/ inde macht van hue(re)n scepen(en) brieve(n) leveri(n)gen en(de)/ gewijsden vo(n)nesse(n) voirs(creven) alsoe v(er)re alst noch/ voir ons come(n) es in scampno octobr(is)/ quarta