Nae dien arnoldus kyp uut eene(n) vonnesse van/ contu(m)atien voir hem en(de) tot sijne(n) proufijte gewesen/ maii xvii lestleden inde banck voir meye(r) en(de)/ scepen(en) van loven(en) ov(er) de goede have en(de) erve joes/ wijle(n) vande(n) steenwege en(de) henricx wijle(n) vanden/ steenwege wair die gelegen sijn d(aer)toe deselve/ arnoldus nae des(er) stadt recht uut crachte/ van scepen(en) brieve(n) van loven(en) van acht rinsgul(den)/ erffelijcker rinte(n) en(de) de acht(er)stelle van dien hem/ onlancx met voirde(r) executorie brieve(n) gescreve(n) aend(en)/ meye(r) van hale(n) oft zijne(n) stedehoude(r) te kersbeke heeft/ doen stelle(n) en(de) houden inde possessie van allen den/ selve(n) goede(n) ald(aer) gelegen en(de) die doen dersschen en(de) stelle(n)/ t(er) p(ro)clamatien en(de) kercgeboden om d(aer)aff betaelt te/ wordde(n) en(de) d(aer)nae deselve arnoldus mits dat/ sijn executie beledt es geweest en(de) doen stillestaen/ bij [vacat] vande(n) steenwege die de/ voirs(creven) contu(m)atie heeft willen purge(re)n come(n) es op/ heden inde banck voir meye(r) en(de) scepen(en) van loven(en)/ Aldair hij van nyews heeft doen lesen sijn scepen(en)/ brieve(n) van loven(en) vand(en) voirs(creven) acht rinsgulden(en)/ erffelijck die welke begrepen m(er)kelijck ond(er) den ande(re)n/ dat sijn debitue(re)n hen d(aer)inne verloeft hebbe(n) aen/ arnold(us) en(de) sijn nacomelinge(n) ongesund(er)t in die/ rinte hem te bewijsen(e) ende te besetten(e) tot zijnd(er)/ manissen op goed(en) en(de) zeke(re)n pant bi(n)nen d(er) ba(n)mijle(n)/ van loven(en) gelegen Dede voirt lesen sijn beleyt/ d(aer)uut bij hem nae des(er) stadt recht behoirlijck/ gedaen tot allen den goeden have en(de) erve vand(en)/ p(er)sone(n) hem inde(n) selven sijne(n) scepen(en) brieve(n) v(er)loeft/ en(de) d(aer)enbove(n) noch tvoirs(creven) vonnesse van contu(m)atien/ en(de) die gelesen sijnde sustineerde hij dat hem deselve/ geleidde goede volge(n) soud(en) en(de) alnoch aengewijst
//
wordd(en) tot sijnd(er) wettig(er) scult behoef e(m)mer om d(aer)aen/ sijn voldoeni(n)ge en(de) bewijssenisse van dien te neme(n)/ en(de) te vervolgen met vercoepe d(er) selv(er) soe hij dat/ begonne(n) hadde niet tegenstaen(de) e(n)nige uutwege/ oft belette vand(er) purgatien d(er) contu(m)atien oft ande(r)/ voirs(creven) hen des gedragen(de) totten rechte Dair tege(n)/ jacop witteman als procur(eur) des voirs(creven) vand(en) steenwege/ hem verantwerden(de) dede seggen hoe dat tot behoef/ vand(en) acht(er)stellige(n) gevallen(en) en(de) ombetaelde(n) rinten/ opden wissel stonden tot arnoldus behoef zeke(r) pe(n)ni(n)g(en)/ die hij trecken mochte oft hem beliefde Dair mede/ arnoldus van dien op dat dat soe wae(r) te vreden/ p(rese)nteerde te zijne en(de) seyde voirt deselve procur(eur) ae(n)gaen(de)/ d(er) bewijssenissen dat sijn meest(er) ind(er) ba(n)mijle(n) van loven(en)/ niet gegoet en was en(de) alsoe en conste hij d(aer)o(m)me egheen/ bewijssenisse oft pande gesetten nae uutwijsen van/ arnold(us) brieve(n) mair p(rese)nteerde die te setten ond(er)/[vacat] oft arnoldo goede zeke(r) borchtochte/ dair voe(r) te stelllen den rechte genoech sijnde Hopen(de)/ dair mede te gestaene en(de) dat sijn meest(er) niet gepraemt/ en soude wordden in tgheene des hem niet moegelijck/ en wae(r) van doene niet te min sijn procur(eur) gaf te/ kenne(n) dat huge van udekem voirsprake die/ nu absent was en(de) hier inne gedient soude hebbe(n)/ hadde hij p(re)sent geweest bat geinformeert was/ van sijns meest(er)s meyni(n)gen dat gheert duegens/ dien hij nu hier inne mits absen(tie) desselfs huygs/ hadde moeten neme(n) en(de) soe beg(er)de hij redelijck/ uutstel van acht daige(n) om hem d(aer)enbi(n)nen te/ beraden en(de) arnold(us) te contente(re)n oft alsdan tegen/ he(m) rechts te plegen hopen(de) dat hem e(n)nich van dese(n)/ gebue(re)n soude Dair tegen arnoldus replice(re)nde/ sustineerde neen te voirde(r) want deselve vande(n)/ steenwege genoech van des hij in desen doen soude/ willen oft meyne(n) te doen(e) geinformeert was nade/ voirhandeling(en) acten en(de) gesciedenissen vanden/ vonnessen voirs(creven) en(de) d(er) purgatien van dien soe dat/ hem gheen voird(er) uutstel oft beraet en behoirde geg(even)
//
te wordden Oick en hadde deselve vand(en) steenwege/ dat aen hem niet v(er)dient dat hij hem yet van/ gratien buyten den inhoud(en) en(de) riguer van sijne(n)/ br(ieve) soude billicx doen dair hij hem ten tijde/ vand(er) orloge(n) sculdich sijnde wel hondert rinsgulden(en)/ oft d(aer)omtr(ent) van div(er)sen acht(er)stelle(n) guetlijck v(er)borcht/ uut maetscapen en(de) compassien dat hij hem die/ die vrientscape en(de) duecht ongem(er)ct laten(de) en(de) afslaen(de)/ met impekatien van (con)fiscatien hadde gaen afneme(n)/ soe wel tgheene des van dien voird(er) orlogen en(de) in/ tijde(n) vand(en) peyse gevalle(n) was en(de) guetlijck geborcht/ en(de) bleve(n) te betalen alst tgheene des ind(er) orlogen/ en(de) diversen gevallen mocht sijn Hebben scepen(en) van/ loven(en) t(er) manissen smeyers gewijst met vonnesse/ wair de voirs(creven) vand(en) steenwege den selve(n) arnold(us)/ niet en voldoet sijne(n) eysch na inhoudt dan sijne(n)/ scepen(en) brieve(n) bi(n)nen acht daige(n) naistcomen(de) dat/ hem dan de gelev(er)de goede volge(n) soude(n) in sca(m)pno/ p(rese)nt(ibus) om(n)ib(us) dempto vynck novembr(is) xxvi