Met vorweerden nochtan al eest dat den selve(n) brieff/ in dier manie(re)n alsoe bekint es dat nochtan alleene/ gesciet es te dier meyni(n)gen want de voirs(creven) (christ)ine/ alsnu een zeke(r) gedinge hangen(de) heeft voe(r) meye(r) en(de)/ scepen(en) van bynckem tegen den voirs(creven) van nyvele/ en(de) sijnd(er) huysvrouwen aengaen(de) zeke(r) injurieuse woerden/ die deselve magriete opd(er) voirs(creven) (christ)ine(n) soe deselve/(christ)ine hoopte te bewijsen gesproken heeft in gevalle/ oft de voirs(creven) (christ)ine deselve aensprake tonrechte/ gedaen hadde en(de) huers v(er)mets in dien niet/ volcome(n) en mochte ende sij alsoe inden gedinge/ succu(m)beerde en(de) vellich bleeff mette(n) voirs(creven) brieve/ op de goede d(er) selv(er) (christ)inen en(de) hue(re)r moed(er) tocht/ in dien d(aer)aen te verhalen alle costen en(de) lasten van/ rechte ende oick de bet(er)nissen die zij soude hebbe(n)/ moege(n) verbuert vand(er) onrecht(er) clachten op dat/ sij deselve aensprake tonrechte gedaen hadde/ en(de) and(er)s niet cor(am) eisdem