Item liebrecht bouwens sone wijle(n) lambrechts/ woenen(de) te montenaken heeft geloeft en(de) ten/ heylige(n) geswoirnen te betalen(e) joese boesmans/ al(ia)s van beausart tseventich rinssche gulden(en)/ te xx stuv(er)s tstuck goets gelts mu(n)te nae der/ ordinantien vand(en) lande lestwerf d(aer)op gemaict/ tusschen dit en(de) loeven(en) kermesse naistcomen(de)/ tamq(uam) ass(ecutu)[m] ende dit noch d(aer)enbove(n) opde pene/ en(de) banduyne van dertich gelijck(er) rinsgulden(en)/ half den hee(r) alh(ier) en(de) half den hee(r) dair onder/ deselve liebrecht bevond(en) sal wordd(en) d(aer)aen te/ v(er)bue(re)n oft voe(r) den selve(n) loeve(n) kermesse alhier
//
inde vroente ten huyse giel(is) de vos vorst(er)s/ wed(er) inne te come(n) op sijne(n) cost en(de) last ende van/ dair nyet sceyden bij dage noch bij nachte tott(er)/ tijt toe dat de voirs(creven) joes vanden selve(n) lxx r(ins)gul(den)/ geheelijck en(de) al voldaen en(de) v(er)nuecht sal wesen/ Met conditien en(de) vorweerden oft de voirs(creven) joes/ bynne(n) den selve(n) loven(en) kermesse naistcomen(de) va(n)d(er)/ borchtocht van seve(n) rinsguld(en) lijfpens(ien) dair voe(r)/ deselve joes v(er)obligeert staet en(de) dair uuyt deselve/ so(m)me van lxx rinsgulden(en) spruyten(de) compt gelost/ wordt dat de voirs(creven) liebrecht alsdan en(de) in dien/ gevalle vand(er) voirs(creven) so(m)men van lxx rinsguld(en)/ los vry en(de) ongehouden sal sijn en(de) blive(n) en(de) and(er)s/ niet cor(am) berge h(er)meys februarii xxvii