Tusschen die van wavre ter eenre en(de) reyne(re)n del/ bauwecte aengaen(de) hue(re)n diffe(re)nten van div(er)sen/ poenten hier nae bescreve(n) nae dat zij hen in/ wed(er)zijden van al gedragen en(de) overgegeve(n)/ hebben totte(n) mi(n)liken appointeme(n)te vand(en) wet/ houde(re)n afslaen(de) alle(n) thoen d(aer)toe zij geadmitteert/ hadde(n) geweest Es mi(n)lijck geappointeert en(de)/ uutgesproken ov(er)hoirt hue(r) gescrifte(n) van eyssche/ antwerden replique duplique en(de) reco(n)ventien/ des voirs(creven) reyners ierst opde twee yerste poente(n)/ va(n)d(en) eyssche der voirs(creven) van wavre Dyerste/ va(n)d(en) twee rinssche gulden(en) d(aer)op sij reyne(re)n gesedt/ hadden te contribue(re)n om de goede ma(n)nen toe te/ maken d(aer)mede die van wave(r) soe wel reyners/ goede als der ande(re)r ingeseten(en) goede aldair bescadt/ hadden geweest Ende dande(r) poent van dien/ vand(en) xxxii stuv(er)s geeyscht vand(er) beden van/ paesschen die reyne(r) al bij div(er)sen reden(en) weyg(er)de/ te betalen dat deselve reyne(r) voir de beyde die
//
pointen betalen sal twee rinsgulden(en) en(de) d(aer)mede/ gestaen In welker betalingen van dien hem te/ baten comen sullen de xxxii stuv(er)s die hij om/ te lossen sijn twee mudden corens wav(er)s die/ hem afgepandt wae(re)n en(de) v(er)cocht dair onder/ de wet genamptiseert heeft Ende aengaen(de)/ den eycken en(de) ande(r) boeme(n) die die van wave(r)/ reyne(re)n soe hij te kenne(n) gaff en(de) hem beclaeghde/ afgenomen hadden en(de) gehaelt van sijne(n) bossche(n)/ aldair want die van wave(r) dat ontkinden/ seggen(de) dat die op reyners erve niet en hadde(n)/ gestaen en(de) dat die der realiteyt aenginghen/ dairaff sullen p(ar)tien blive(n) op hen beloop van rechte/ om d(aer)aff ondersueck te doene wien dien gront d(aer) die/ afgehouwen sijn toebehoirt en(de) d(aer)entinden recht/ Ende aengaen(de) den lesten poente vand(en) reste/ van omtrint vii rinsguld(en) die die van wave(r)/ reyne(re)n eyschten van dat hij ontfange(n) ende/ inhaelde(r) vand(en) beden van wave(r) geweest hadde/ des een wijle geleden was ende dat rest gehave(n)/ hadde oft laten staen aende liede diet sculdich/ wae(re)n dwelck hij sculdich was te doene soe zij/ seyden te voirde(r) want hij dairaff sijn gangen/ wiste en(de) gehadt hadde Dair tegen reyne(r)/ de (contra)rie alleg(er)de en(de) seyde dat hij die resten/ niet en hadde conne(n) geheffen ov(er)mits zeke(re)n/ ordinantien dier van wave(r) bijd(en) welken/ die(n) den dorpe geleent hadden de beede d(aer)op/ zij gesedt wae(re)n aende selve hue(r) presten cortte(n)/ mochten opdat zij die presten verificeerden bij/ hue(re)n eede Ende want enige hen seggen(de) alsoe/ geleent te hebben(e) cortte(n) nochtan en hadden zij/ hue(r) p(re)sten niet willen verifice(re)n bij eede soe en
//
hadden oick enige ande(r) niet geprest hebben(de)/ gheene betalingen vanden voirs(creven) resten willen/ doen Ende dat meer was wae(re)n dair enige/ maghe vand(en) offic(ie)r ald(aer) d(aer)aff gebreckelijck geweest/ dair ov(er) hij gheen executie en hadde conne(n)/ gecrijgen wair bij de resten noch stonden te/ heffen oic en hadde hij noyt salar(is) tot zijne(n)/ proufijte in desen ge(re)kent Met meer reden(en)/ namelijck dat hij nochtan dit selve rest/ nochta(n) dat hijs bijd(en) reden(en) voirs(creven) niet en hadde/ co(n)nen gecrijge(n) al betaelt hadde oft ind(er) vrijheyt/ orbe(r) uutgleeght op xxvii stuv(er)s nae gelijck/ hij dat met stucken ende p(or)ceelen woude/ doen blijcke(n) bege(re)nde d(aer)aff selve restitutie Dit/ selve poent vanden selve(n) reste van co(n)ventien/ en(de) reco(n)ventien es oick bleve(n) op sijn beloep/ van rechte ende alsoe v(er)re p(ar)tien hieraff mi(n)lijck/ und(er)linge niet en conne(n) v(er)eeni(n)gen soe soud(en)/ de wethoude(re)n eer zij p(ar)tien d(aer)inne souden/ conne(n) geappointe(re)n bege(re)n nairde(r) cleernisse en(de)/ de wairheit dairaff taenhoe(re)n en(de) d(aer)entinde(n) recht/ Ende dit al sond(er) p(re)judijs des voirs(creven) reyners/ en(de) vand(en) rechte van sijnd(er) poirterien in toecomen(de)/ tijd(en) act(um) in cons(ili)o op(idi) p(rese)ntib(us) le(m)mens sub(stitu)[to]/ burg(imagistr)[o] berge scabino hoeve(n) et plu(r)ib(us) aliis de/ consilio februarii penultima