Item al eest soe dat de voirs(creven) guedi(n)ge van beyde/ den voirs(creven) p(or)ceelen van rinte(n) aldus symplijck geschiet/ es soe es die nochtan geschiet te dier meyni(n)gen/ dat aengaen(de) den acht stuv(er)s erff(rinte) vand(en) yerste(n) p(or)ceele/ voirs(creven) die al sympelijck en(de) mits desen afgequijt/ doot v(er)smolte(n) ende te nyeute sijn ende blive(n) sulle(n)/ Ende aengaen(de) den twee pet(er)s erff(rinte) den selve(n)/ gehuysschen in deylinge(n) gevalle(n) voir scepen(en) van/ loven(en) met meer ande(r) goed(en) tege(n) lodewijcke baets/ d(er) selv(er) katlijne(n) brued(er) anno negentich xi m(ar)tii Es die/ guedinge gesciet alleene op conditie want de/ voirs(creven) wout(er) sijn huys en(de) hoff en(de) de voirs(creven) dierick/ sijn huys en(de) hoff voir de voirs(creven) twee rijders/ lijftochten meer belast vonde(n) hebbe(n) dan dwairscap/ hen bijd(en) voirs(creven) gehuysschen gedaen begrijpt inde(n)/ gevalle oft dese wout(er)s goede voir deselve lijftochte/ nu oft namaels gepraemt wordd(en) met rechte oft d(aer)aff/ beschadicht wordde in enig(er) manie(re)n dat hij en(de)/ sijn nacomelinge(n) besitt(er)s vand(en) selve(n) zijne(n) goed(en)/ die scade en(de) alle coste(n) en(de) lasten d(aer)om gelede(n) aende/ selve twee pet(er)s erff(rinten) soude(n) moege(n) v(er)reycke(n) en(de)/ v(er)halen al sond(er) argelist Ende te dier meyni(n)gen/ sulle(n) de brieve vand(en) vier en(de) halff pet(er)s twee/ stuv(er)s een oert erffelijck gebracht en(de) gesedt wordd(en)/ bijde(n) selve(n) gehuysschen ond(er) de wet om ald(aer)/ te blive(n) tusschen den voirs(creven) gehuysschen en(de) woute(re)n/ tot dat de voirs(creven) lijftochte bijde selve gehuyssche(n)/ gelost en(de) afqequijt sal sijn oft dat die v(er)storve(n)/ sal wesen alsoe dat deselve gehuysschen soe/ langhe wout(er) noch sijn goede voirs(creven) niet beschadicht/ en wordden vand(er) selv(er) lijftocht die rinte(n) van/ dien jairlijcx sulle(n) moege(n) trecken en(de) gebruycken/ cor(am) eisd(em)