Want her peet(er) renier cureyt van tourines/ les ordon als geleydt nae des(er) stadt recht/ voir sijn wettich gebreck uut crachte van scepen(en)/ brieve(n) van loven(en) tot allen den goeden beyde/ have en(de) erve jacops wijle(n) de fossoul soe wair/ die gelegen sijn hem met brieve(n) van des(er) stadt/ gescreve(n) aenden meye(r) van jandrain oft sijne(n)/ stadhoude(r) alle deselve goede behoirlijck heeft/ doen leve(re)n en(de) vranck(en) liebeert en(de) joha(n)ne de/ roux sijnd(er) huysvr(ouwe) dach van rechte te comp(ar)e(re)n/ inde banck voir meye(r) en(de) scepen(en) van loven(en) doen/ besceyden oft zij hen tege(n) deselve leveringe/ hadden willen oppone(re)n Aldair zij op heden/ als ten v(er)streken(en) dage nyet gecompareert en/ sijn noch oick procur(eur) van hue(re)n wege(n) den/ voirs(creven) geleydde(n) altijt compare(re)nde en(de) trecht voirt/ v(er)sueken(de) soe v(er)re dat de scepen(en) van loven(en) t(er)/ manissen smeyers nae dat hen bij rescripte/ joes van cre(n)uwy meye(r) van jandrain gebleke(n)/ heeft de voirs(creven) leveri(n)ge en(de) dach besceydinge/ gesciet te sijne gewesen hebben voir een vonnesse/ Wair de wed(er)p(ar)tie des voirs(creven) geleydden nyet/ en compareert ten opstaen(e) smeyers en(de) d(er) scepen(en)/ datmen den selven geleydden houden soude/ inde macht van sijne(n) beleyde scepen(en) brieve(n) en(de)/ leveri(n)ge(n) alsoe v(er)re alst noch voir scepen(en) come(n) es/ in scampno martii xv