Vander questie(n) gecome(n) bijd(en) raide vand(er) stadt tusschen/ hee(re)n ja(n)ne calatijn ond(er)p(ro)chiaen s(in)[te] pet(er)s te loven(en) t(er)/ eend(er) die ald(aer) ontbod(en) hadde mathijse v van rillair/ en(de) sijn werdi(n)ne en(de) joesen de lange seggen(de) hoe dat/ hij nae daflivich(eit) symoens wijlen colday en(de) jouffr(ouwe)/ barbele(n) wile(n) hofmans sijnd(er) werdi(n)ne(n) d(aer)aff hij last/ hadde huer gereede goed(en) acht(er) he(n) gebleve(n) om godswille/ te geven(e) en(de) te dist(ri)bueren(e) den erven den voirs(creven)/ p(er)soene(n) van dien goed(en) in almoess(en) gegeve(n) hadden/ elcke(n) van he(n) xx guld(en) om die aengeleet te wordden(e)/ opde live te weten(e) van ruelkens van wilre ende/ thoenkens lancst leven(de) lancst heffen(de) d(aer)aff moeder/ was linken van wilre maechelinge(n) d(er) voirs(creven) jouffr(ouwe)/ barbelen wilen hofmans ten ynde dat deselve maecheli(n)g(en)/ te bat verwaert en(de) besorcht soud(en) w(er)den Dwelc hij/ alsoe uuyt goed(er) duecht en(de) caritat(en) gedaen hadde
//
en(de) want tselve niet gedaen en was ende sij de/ pe(n)ninge(n) ontfange(n) hadde(n) tot behoef als bove(n) soe/ versocht hij deselve met rechte d(aer) toe bedwonghen/ te hebben(e) D(aer) tegen de werdi(n)ne mathijs van rillaer/ die een vand(en) jonge(n) te weten(e) ruelken van wilre houden(de)/ was eghene swarich(eit) d(aer) inne make(n) en woude sij en/ woude tselve acht(er)volg(en) om die pe(n)ni(n)g(en) te weten(e)/ xx r(yns) guld(en) aen te leggen(e) als bove(n) oft selve behoirlijck/ te bevestigen(e) en(de) de voirs(creven) joes hoepte want hij thoenke(n)/ den ande(e)n jonge(n) hadde moete(n) ond(er)houd(en) van eten(en) drincken(en)/ cledinge(n) ende and(er)ssins en(de) noch dagelijcx ond(er)hiel [dat hij he(m) d(aer)af v(er)compe(n)se(re)n soude] aende(n)/ selve(n) xx r(yns) guld(en) bij he(n) ontfange(n) sond(er) die aen te leggen(e)/(et)c(etera) genoech mocht(en) beki(n)nen(de) dat he(n) die pe(n)ni(n)g(en) te dier/ meyni(n)ge(n) gegeve(n) wae(re)n Es geappointeert en(de) uutgesproke(n)/ hier op bijd(en) raide geledt sijnde dat de pe(n)ni(n)gen als voe(r)/ geruert en(de) bekint ontfange(n) te zijne te weten(e) xl r(yns) guld(en)/ aengeleet sulle(n) wordde(n) opde live d(er) voirs(creven) jongers om/ die jairlijcx half en(de) half te trecken(e) en(de) lancst leven(de)/ lancst heffen(de) oft bijden selve(n) persoene(n) die die aenvert/ hebbe(n) in dier manie(re)n behoirlijck bevesticht w(er)den alsoe/ dat den selve(n) jonge(re)n genoech sal moege(n) wesen sonder/ die elders bekeert te moege(n) werdde(n) om he(n) te volgen(e)/ als zij tot hue(re)n daigen come(n) sulle(n) wesen act(um) julii xx

It(em) anth(oon) van calamo(n)t/ t(er) eende(r) en(de) roelof/ va(n) wilre t(er) ande(re)/ in p(rese)ntien en(de) ten bijsijne/ van anthonijne(n) calaber/ moed(er) des voirs(creven) roelof en(de) jacops van pullair/ en(de) jans van breetzijp/ hebben malca(n)de(re)n vand(en)/ xl r(yns) g(ulden) in dese t(er)mi(n)atie/ geruert geheel(ijck) en(de) al/ quijtgescouden en(de) geloeft/ deen den ande(re)n d(aer)af nu(m)mermeer te moeyen noch te vexe(re)n in gheene(n) rechte geestelijck/ noch werlijck (et)c(etera) Ende geco(n)senteert dese t(er)mi(n)atie te nyeute te doene opten/ vi[ten] dach van m(er)te a(n)no xv[c] twee stilo braban(tie)

Dese t(er)mina(ti)[e] es te nyeute ged(aen) ut sat(is) dece(m)bri v a(nn)[o] xv[c] deci(m)o en(de) hebben voirts de vors(creven) ant(hoon)/ calemo(n)t ter eenr(e) en(de) roelof van wilre t(er) ande(r) zijd(en) malcande(re)n gelooft ni(m)e(r)meer/ ae(n) te spreken ter caus(en) vand(en) vors(creven) pe(n)[ni(n)ge(n)] act(um) v x[bri] a(nn)[o] x