Want machiel caluwaerts van mechelen die nae/ des(er) stadt recht van loven(en) voir sijn wettich gebreck/ uut crachte van scepen(en) brieve(n) van loeven(en) comen ende/ geleydt es tot allen den goeden beyde have ende erve/ jans vrancx des jongen ende lijsbetten alarts zijnd(er)/ huysvr(ouwe) soe wair die gelegen hem met brieve(n)/ van des(er) stadt gescreve(n) aenden meye(r) va(n) ca(m)penhout/ oft zijne(n) stadhoude(r) alle de selve goede behoirlijck heeft/ doen leve(re)n ende den selve(n) gehuyssche(n) dach van/ rechte alhier te compare(re)n inde banck voir meye(r)/ ende scepen(en) van loeven(en) oft zij hen d(aer)tege(n) hadden/ willen oppone(re)n doen bescheyden Aldair zij/ op heden niet gecomp(ar)eert en sijn noch nyema(n)t/ van hue(re)n wegen den voirs(creven) geleydden compare(re)nde/ en(de) trecht voirt versueken(de) soe v(er)re dat de/ scepen(en) van loeven(en) t(er) manissen smeyers nae dat/
//
hen behoirlijck gebleke(n) heeft bij rapporte jans vand(en)/ bossche des(er) stadt geswoirne(n) bode tvoirs(creven) exploit behoirl(ijck)/ gesciet te zijne vonneslijck gewijst hebben Wair de/ wed(er)p(ar)tie des voirs(creven) geleyden niet en compareerde/ voe(r) den opstaen(en) smeyers ende der scepen(en) datmen den/ selve(n) geleydden vand(en) voirs(creven) goeden houde(n) soude inde/ macht van zijne(n) beleyde scepen(en) brieve(n) en(de) leveri(n)g(en)/ alsoe verre alst noch voir scepen(en) come(n) es in sca(m)pno/ aprilis decima