SAL7385, Akte: V°483.2-R°484.1 (888 van 1086)
Akte V°483.2-R°484.1
Act
Datum: 1492-04-18
Transcriptie
2018-09-30 door kristiaan magnusTusschen anthoenise stroebant ende mathijse van/
thuydekem aengaen(de) den cortsele dat anthoenis/
begheerde vande(n) pachte ende weyhue(re)n die hij van/
eenen jae(r) den selven mathijse van zijne(n) goeden sculd(ich)/
was ende oic te moegen gestaen met lichte(n) gelde/
ende d(aer)enboven der pechtingen verdragen te zijne/
gemerct dat de pechtinge genomen was inde(n) lichte(n)/
tijde ende dat tgoet zedert zee(r) afgegaen was/
Dwelc al mathijs meynde niet te moeten doene/
naden thoon die hij geleydt hadde e(m)mer vanden/
cortsele noch oic vanden lichten gelde nae begrijp/
der scepen(en) brieve(n) van loeven(en) vand(er) pechtingen/
te voirde(r) want anthoenis inden voirleden(en) jae(r) met/
zwae(re)n gelde betalen(de) egheen me(n)tie aff en maicte/
ende anthoenis sustineerde sijn voirnemen int geheel
//
te voirde(r) want hij sijn scade hadde doen blijcken Welke/ scade mathijs wederleyt seggende dat hij die al op/ mathijs goede niet gehadt en hadde mair oic op meer/ and(er) lied(en) goede ende oic op sijns selfs goede die hij/ mede hielt Es geappointeert mynlijck ende zonder/ righeur nae dat hen p(ar)tien in wedersijd(en) totten/ mi(n)liken appointement vand(er) stadt gedragen hadden/ dat mathijs hem anthoenise cortten soude aen/ tgene des hem anthoenis sculdich was van pachte/ ende weyhue(re)n een mudde corens ende eene(n) rinsgulden(en)/ ende tsurplus dat hij mathijse sculdich es te weten(e)/ een mudde corens ende acht rinsgulden(en) sal hij/ mathijse betalen een half mudde in ascensie/ daghe naistcomen(de) ende dander half mudde bi(n)nen/ eenre maent d(aer)nae ende de acht rinsgulden(en) van/ weyhue(re)n binnen eenre maent dair nae in consilio/ opidi aprilis xviii
//
te voirde(r) want hij sijn scade hadde doen blijcken Welke/ scade mathijs wederleyt seggende dat hij die al op/ mathijs goede niet gehadt en hadde mair oic op meer/ and(er) lied(en) goede ende oic op sijns selfs goede die hij/ mede hielt Es geappointeert mynlijck ende zonder/ righeur nae dat hen p(ar)tien in wedersijd(en) totten/ mi(n)liken appointement vand(er) stadt gedragen hadden/ dat mathijs hem anthoenise cortten soude aen/ tgene des hem anthoenis sculdich was van pachte/ ende weyhue(re)n een mudde corens ende eene(n) rinsgulden(en)/ ende tsurplus dat hij mathijse sculdich es te weten(e)/ een mudde corens ende acht rinsgulden(en) sal hij/ mathijse betalen een half mudde in ascensie/ daghe naistcomen(de) ende dander half mudde bi(n)nen/ eenre maent d(aer)nae ende de acht rinsgulden(en) van/ weyhue(re)n binnen eenre maent dair nae in consilio/ opidi aprilis xviii
Nagekeken door: Karel Embrechts
Moderator: Karel Embrechts
Laatste update:: 2015-08-13 door Agata Dierick