Item de voirs(creven) p(ar)tien renu(n)c(ierende) in allen/ zijden van allen p(ri)vilegien en(de) behulpe(n)/ die e(n)nigen van hen contrarie van/ desen dienen oft te scade come(n) mochte(n)/ hebben gekint ende gelijdt dat de/ voirs(creven) executeurs dexecutie vande(n)/ voirs(creven) testamente ende oick tselve testame(n)t/ in allen sijne(n) clausulen pointen ende/ voirweerden ende in alle tgheene des/ dair uuyt soude moegen sijn te int(er)p(re)te(re)n
//
in e(n)niger manie(re)n volcomelijck hebben/ volbracht geachtervolght ende hen/ allessins dair inne gequeten ende alsoe/ hebben sij tsamen ende besundert de/ selve executeurs ende elck van hen/ bezund(er)t dairaff ende van des dien/ e(n)nichssins aencleve(n) mach ende voirt/ oick van allen bewinde regimente heffen/ oft leggen dat sij dairaff oft vand(en)/ voirs(creven) rinten oft pachten moegen/ hebben gehadt geheelijck(er) ontlast en(de)/ quijtgescouden ende mits desen ont/ lasten ende schilden quijte Geloven(de)/ deselve dairaff nu(m)mermeer aen/ te spreken te moeyen te volgen noch/ te vexe(re)n bij hen selve(n) noch nyema(n)t/ anders in egheene(n) rechte gheestelijck/ noch weerlijck in egheenre wijs mair/ van allen desen kennessen gelueften/ quitantien ende ontlastingen hen/ ende elcken van hen tegen en(de) aen eene(n)/ yegelijcken inne te staene quijt te/ houde(n) ende gerecht warant te sijne/ prout cor(am) eisdem