Item peter van bruessele zone wijlen jacops ende yde/ van grymde zijn huysvrouwe woenen(de) te thienen/ hebben gelooft arnde hanckart dat zij hem volcomelijck/ aefleggen sullen met gereeden pe(n)ni(n)gen ende met vollen/ pachte alsulcken vier mudden corens erfpachts als/ cornel(is) van else(n)putte van thiene(n) den selven arnde bekynt/ heeft voir scepen(en) van loeven(en) ende met scepen(en) br(ieven)
//
van loeven(en) int jair van lxxxix in augusto oft d(aer)omtrindt/ ende insgelijcx oick alsulck(en) eene(n) mudde corens erfpachts/ ende drie en(de) eene(n) halven r(ins)gul(den) erfelijck als de selve cornel(is)/ den voirs(creven) arnde bekynde voir scepen(en) van loeven(en) ende met/ scepen(en) br(ieven) van loeven(en) int selve jair van lxxxix in dece(m)bri/ dair nae oft d(aer)omtrindt inder manie(re)n navolgen(de) Te weten(e)/dat de voirs(creven) vier mudden corens erfpachts met vollen/ pachte tusschen dit ende loeven(en) kermisse naistcomen(de)/ ende dander mudde corens erfpachts en(de) drie en(de) eene(n)/ halven r(ins)gul(den) erfelijck oick met vollen pachte tusschen/ dit ende kersmisse naistcomen(de) met alsulcken pe(n)ni(n)gen/ ende te dien prijse als dat nae uutwijsen voirs(creven) scepen(en)/ br(ieve) d(aer)af zijnde ende navolgen(de) der ordinan(tien) vand(en) lande/ d(aer)op gemaict behoe(re)n sal cor(am) tymple nausnyde(re)/ maii xiiii

It(em) arnt hanckart heeft/ gekindt dat peet(er) va(n) bruessele/ en(de) yde va(n) grymde sij(n) huysvr(ouwe)/ hem afgeleeght en(de) afgequijt/ hebben de vier mudde(n) corens/ erfpachts hier inne begrepe(n)/ mett(er) so(m)men van xxxii rinsg(ulden)/ goet gelts mette(n) pachte/ d(aer)aff v(er)schene(n) behalve(n) nochta(n)/ wa(n)t arnt mair tderde(n)deel/ va(n)d(en) pachte gehave(n) en heeft/ acht(er)volgen(de) d(er) ordinan(tien) vand(en)/ lande soe de p(ar)tien in wed(er)sijd(en) bekinde(n) en(de) men namaels bevonde dat hij meerde(re)n pacht d(aer)aff/ sculdich wae(r) te hebben dat peet(er) en(de) zij(n) huysvr(ouw) hem dat oprichte(n) en(de) betale(n) sulle(n)