Want vranck noyens die nae des(er) stadt recht voir zijn/ wettich gebreck uuyt cracht van scepen(en) brieven van/ loven(en) comen ende geleydt es tot allen den goeden beyde/ have ende erve jans de mont zoe waer die gelegen zijn/ hem met brieven van des(er) stadt gescreven aen den meye(r)/ van gest s(ainte)[s] remy oft zijne(n) stadhoude(r) alle de selve/ goeden behoirlijck heeft doen leve(re)n ende den selve(n) ja(n)ne/ de mont en(de) ande(r) dach van rechte te compare(re)n inde/ banck voe(r) meye(r) ende scepen(en) van loeven(en) oft hij hem/ tegen de voirs(creven) leveri(n)ge hadd(e) willen oppone(re)n heeft/ doen bescheiden Aldair hij niet gecompareert en is/ noch nyemande van zijne(n)t wegen den voirs(creven) geleidden/ comp(ar)e(re)nde en(de) trecht voirt versueken(de) soe hebben/ de scepen(en) van loeven(en) ter manissen smeyers nae dat hen/ behoirlijck gebleken heeft bij rappourte jans vanden/ bossche des(er) stadt bode de voirs(creven) execucie [en(de) dachbescheiding(e)] geschiet te zijne/ gewesen voir een vo(n)nisse Wair de wederp(ar)tie des/ voirs(creven) geleidden niet en comp(ar)eert ten opstaen(e) smeyers/ ende der scepen(en) datmen den selven geleidden houden/ soude inde macht van zijnen beleyde scepen(en) brieven/ ende leveri(n)gen alsoe verre alst noch voir scepen(en) come(n) is/ in scampno maii xv