Opt vonnesse int principael gheeyscht bij henr(icke)/ moleman inde banck voir meye(r) en(de) scepen(en) van/ loven(en) tegen conrade le polly vand(er) saken die/ dair een lange wijle tijts gehangen heeft te gescille/ tusschen deselve p(ar)tie De welcke soe v(er)re soe henrick/ seyde gevolcht was dat aensprake v(er)antwerde(n)/ replijke duplijcke en(de) oick thoenisse in wed(er)sijden/ v(er)gadert en(de) geleydt wae(re)n en(de) oick hij henrick/ ind(er) saken geconcludeert hadde Wair bij te voird(er)/ hij tendeerde totte(n) ut(er)lijcken vonnesse nae allet/ tgheene dat d(aer)toe gesciet was en(de) dat die/ sake zee(r) lange geduert hadde bijde(n) twee jae(re)n/ oft daiomtr(ent) Hopen(de) dat hem tselve vonnesse/ int principael en(de) sijn conclusie wordde(n) soude/ he(m) des gedragen(de) totte(n) rechte Dair tegen/ willem van leefdale als procur(eur) des voirs(creven)/ conraets sustineerde de contrarie namelijck dat/ henrick metten ut(er)lijcken vonnesse int principael/ alnoch te eysschen v(er)doelt was want de/ voirs(creven) conraet noch sijne(n) thoen soe hij seyde namelijck
//
joh(ann)ese en(de) clase vasont en(de) ande(r) in sijn int(er)rogator(ien)/ begrepen nyet al volleydt en hadde oick en hadde/ hij ut(er)lijck ind(er) saken op sijn sijde nyet geconcludeert/ Seggen(de) oick dat met vonnesse gewijst was den/ dienae(r) taenhoire(n) diese van daige tot daige gedaight/ hadde oft versocht hadde geweest te dagen en(de) dat/ die dat gecleert hadde op sijne(n) eedt des hem deselve/ henrick nyet en gestont met rechte alsoe gecleert/ te sijne Oick seyde henrick want div(er)sche daige/ voirleden gesedt en(de) genome(n) wae(re)n bijd(er) wet en(de)/ met vonnesse om deselve getuygen een voir al te/ doen come(n) huer conde dragen op d(aer)aff v(er)streken/ te sijne die alle wae(re)n laten ov(er)gaen des hem henrick/ gedroech soe tott(er) wet soe des d(aer)aff ger(e)gistreet mocht/ sijn en(de) aldus hoepte hij sond(er) meer vertrecx tot sijnd(er)/ conclusien te comen te weten(e) totten vonnesse int/ principael Es gecleert bijden scepen(en) van loven(en) ter/ manissen smeyers dat sij mits dat tproces in wed(er)sijd(en)/ nyet gesloten en es ind(er) saken om ut(er)lijck vonnes/ te gheve(n) nyet gesproken en hebben ende dat sij/ van weerden houden de handelinge vand(er) selv(er)/ om te dien(en) in wed(er)sijd(en) den p(ar)tien soe v(er)re als recht/ voe(r) de toecomen(de) wet in scampno cor(am) om(n)ib(us)/ dempto vynck junii xix