Want jan van ov(er)beke en(de) paeschijn vand(er) brugge(n) zijn/ huysvrouwe weduwe jans wijlen blocsshoen die uuyt/ crachte van scepen(en) brieve(n) van loeven(en) hebben en(de) besitten(de)/ zijn seven mudde corens goet en(de) payabels met wa(n)ne/ en(de) vloegel wel bereit mate van loeven(en) wavren erfpachts/ vallen(de) jairlijcx s(in)t andriesmisse apostels te betalen(e) en(de) te/ wavre oft ter vue(re)n te leve(re)n aen ende op de hellicht/ vand(en) geheele(n) hove mette(n) huysen hoven schue(re)n stalle(n) boeg(ar)d(en)/ en(de) ande(re) zijne(n) toebehoirte(n) geheete(n) del marselle Ende oick/ aen en(de) op de goe hellicht vand(en) goede(n) en(de) erfpachte h(ier)nae/ bescreve(n) te weten(e) xxvii boende(re)n lants en(de) drie dach(mael) soe/ beempt soe boschs en(de) ande(re) toebehoirte(n) totte(n) selve(n) hove behoiren(de)
//
gelijck de selve goede gelegen zijn inde prochie van nyel s(in)t m(er)tin/ in div(er)se(n) stucke(n) en(de) plaets(en) ald(aer) Item de xxii mudde corens/ goet en(de) payabels mate en(de) pacht van wavre erfpachts alle/ jaire vallen(de) s(in)t andriesmisse apostels aen en(de) op seke(re) goed(en) en(de)/ pande(n) diverse p(er)sone(n) toebehoiren(de) gelegen(e) te nyel s(in)te m(er)tens/ voirs(creven) en(de) d(aer)omtrindt Alle de selve onderpande behoirlijck hebbe(n)/ doen leve(re)n met [open(en)] br(ieve) van des(er) stadt gescreve(n) aen alle officie(re)n/ oft hue(re)n stedehoude(re)n met oic den haeflijck(en) goede(n) opde selve/ onderpande wesen(de) voe(r) tgebreck van betalingen der voirs(creven)/ erfpachte ende claese du pont claese le clerc zijne(n) wy(n)ne/ katlijne(n) weduwe bertrams wijlen van libersart en(de) willem(me)/ de libersart dach van rechte doen bescheide(n) oft zij hen tegen/ de selve leveri(n)ge hadden willen oppone(re)n oft [tege(n)] de voirs(creven) scepen(en)/ brieve(n) van loeven(en) Aldair zij op heden als ten verstreken(en)/ daige niet gecomp(ar)eert en zijn noch procur(ator) van hue(re)n wegen/ de voirs(creven) gehuyssche(n) comp(ar)e(re)nde ende trecht voirt versueken(de)/ Soe verre dat de scepen(en) van loeven(en) ter manissen smeyers/ nae dat hen bij rapourte cornel(is) reyns des(er) stadt bode/ behoirlijck gebleken heeft de voirs(creven) leveri(n)ge en(de) dachbescheiding(e)/ als voe(r) geschiet te zijne gewesen hebben voir een vo(n)nisse wair/ de wederp(ar)tie(n) der voirs(creven) gehuyssche(n) niet en comp(ar)eert voe(r)/ den opstaen smeyers en(de) der scepen(en) datmen den selve(n) gehuyssche(n)/ houde(n) soude inde macht van hue(re)n scepen(en) br(ieve) ende leveri(n)ge(n) alzoe/ verre alst noch voe(r) scepen(en) comen es In scampno junii ult(ima)