Want meest(er) jacop boegairt doctoir in medicine(n) als/ actie hebben(de) van scepen(en) brieve(n) van loven(en) ov(er)lang gepasseert/ bekint will(el)me boeg(ar)t zijne(n) bruede(r) welke willem geleydt/ es nae des(er) stadt recht voir sijn wettich gebreck uut/ crachte van scepen(en) brieve(n) van loven(en) tot allen den goed(en)/ beyde have ende erve he(re)n henricx le begge p(ri)est(er)s soe/ wair die gelegen zijn hem met brieve(n) van des(er) stadt/ gescreve(n) aenden meye(r) van melain oft zijne(n) stadhoude(r)/ alle deselve goede behoirlijck heeft doen leve(re)n ende/ der moed(er) des voirs(creven) wijle(n) he(re)n henricx henr(ick) zoete(n)/ en(de) pete(re)n da(m)moede dach van rechte alhier te compare(re)n/ inde banck voir meye(r) ende scepen(en) van loven(en) oft zij/ hen dair tege(n) hadden willen oppone(re)n doen besceyd(en)/ Aldair zij op heden als ten verstreken(en) dage niet gecom/ p(ar)eert en zijn noch oick procur(ator) van hue(re)n wegen den voirs(creven)/ meeste(re)n jacoppe altijt compare(re)nde ende trecht voirt/ versueken(de) Soe v(er)re dat de scepen(en) van loven(en) ter/ manissen smeyers nae dat hen bij rescripte pet(er)s de/ sart meyers van melain voirs(creven) gebleken heeft de voirs(creven)/ leveringe en(de) dach besceydinge gesciet te zijne gewesen/ hebben voir een vonnesse wair de wed(er)p(ar)tie va(n)d(en)/ voirs(creven) meeste(re)n jacoppe niet en comp(ar)eert voe(r) den opstaen(e)/ smeyers ende d(er) scepen(en) datmen den selve(n) meeste(re)n/ jacoppe houde(n) soude inde macht van zijne(n) beleyde/ scepen(en) brieve(n) ende leveringen alsoe v(er)re alst noch/ voir scepen(en) come(n) es In scampno octobr(is) xxiii