Vand(er) questien gecomen bijde(n) raide vand(er) stadt/ tusschen ja(n)ne de poirte(r) briede(r) t(er) eenre en(de) magriete(n)/ ingelrams sijnd(er) weerdi(n)nen die van hem sitten(de)/ was t(er) ande(re) zijd(en) ald(air) deselve jan te kenne(n) gaff hoe/ hij sijn huysvrouwe bege(re)nde was om tsamen te/ leven(e) en(de) te co(n)verseren(e) en(de) hadde hij mesdaen hij woude/ hem stelle(n) voirtdaene dbeste te doene als een goet/ man sculdich es te doene en(de) oft zij oick and(er)s gedaen/ hadde dat zij huer insgelijcx in dien soude geve(n) tot/ ande(re)n goeden wesen(de) om met malcande(re)n te v(er)keren(e)/ als gehuysschen behoerd(en) seggen(de) dat hij van hem ged(aen)/ hadde sijn meysen en(de) kinde(re) ten ynde dat hij voirtdaene/ in vreden woude leve(n) mett(er) selv(er) sijnd(er) huysvrouwen
//
D(air)op deselve sijn weerdi(n)ne antwerden(de) heeft genoech/ geseyt dat zij d(air)toe niet v(er)staen en woude noch in/ dien sprake noch v(er)gadering(en) houd(en) hij en hadde/ ierst huer(er) beyd(er) kint dwelck dolen(de) was acht(er)/ lande soe zij seyt wed(er)gehaelt en(de) thuys genomen/ It(em) dat hij zijn meysen dede vijff milen buyte(n) des(er)/ stadt wonen en(de) dat huer betaelt werd(en) de pe(n)ni(n)g(en)/ die zij hem eysschen(de) was uut saken vand(er) divortie(n)/ tussche(n) he(n) tande(re)n tijde(n) gedaen met rechte en(de) navolgen(de)/ den tractate voe(r) scepen(en) alh(ier) gemaict dair voe(r) zij/ he(m) hadde doen prame(n) decline(re)nde ten slote va(n)d(en)/ gerichte voe(r) tgheestelijck hoff in desen dair de/ q(ue)stie vand(en) scheyding(en) en(de) oft zij sculdich we(re)n wed(er)/ te v(er)gaderen(e) oft niet behoirde D(air)op de voirs(creven) jan/ replice(re)nde seyt als vand(en) docht(er) dat hij dair niet/ aff en wiste wair die was en(de) woude d(air)inne/ g(er)ne sijn beste doen en(de) hoe dat die bij sijnder/ fault(en) niet ewech gegaen en was en was oick in/ sijne(n) v(er)mogen(e) niet dmeysen oft vrouwe die bij/ hem geseten mocht hebbe(n) ewech te doen gaene oft/ zij in dien alsoe niet gesint en wae(re) buyten te wille(n)/ gaen woene(n) mair ne(m)mermeer en soude men bevi(n)den/ dat hij met huer yet uutstaen(de) soude hebbe(n) oft v(er)kee(re)n/ woude in egheend(er) manie(re)n en(de) als vand(en) pe(n)ni(n)gen die/ zij eysschte dat soude he(m) selve(n) vinde(n) op dat zij niet/ en vergaerd(en) mair oft zij wed(er) v(er)gaerd(en) en wae(re)/ d(air)aff gheen noot groote swaricheyt te maken(e) met ande(re)n/ gelijcke(n) woerd(en) ten effecte als voe(r) in weersijd(en) v(er)haelt/ Es geseet ende uutgesproke(n) den selven p(ar)tien bijd(en) voirs(creven)/ raide aengaen(de) d(er) divortien en(de) d(er) v(er)sami(n)ge(n) van hen/ beyd(en) want zij mett(er) mynne(n) d(air)inne egheen expedient/ gevinden en conste(n) noch d(air)toe v(er)staen en wouden bij/ tussche(n) spreken(e) van vrinde(n) bezund(er)t de huysvrouwe/ des voirs(creven) jans dat zij d(air)aff trecht soude moege(n)/ sueken en(de) elck he(n) in dien vorde(re)n voe(r) tgheestelijck gerichte/ als hue(re)n raidt gedrage(n) soude hier inne v(er)sien dat/ hangen(de) tselve v(er)volch tussche(n) he(n) aengaen(de) huer(er) beyd(er)/ v(er)gaderinge(n) oft niet de executie vand(en) scepen(en) br(ieven) op ja(n)ne/ bij zijnd(er) w(er)di(n)ne(n) v(er)volcht en(de) te wercke gestelt va(n)d(en) pe(n)ni(n)ge(n) die zij/ he(m) eysschen(de) es gesuspendeert sall bliven totten ynde
//
van dien hedt zij metter mynne(n) oft metten rechte/ ende tott(er) tijt and(er)s hieraff bijden selve(n) raide alhier/ soude sijn geordineert ende ov(er)dragen In consilio/ opidi octobr(is) xxvi