Item joes van manghersruet als man ende mo(m)boir van wijlen/ jouffr(ouwe) jehannen ts(er)claes zijne(n) wive bailju vand(en) lande van waes/ t(er) eender jan ts(er)claes wettich brueder der voirs(creven) wijlen jouffr(ouwe)/ jeha(n)nen ende berthelmeeus vand(er) ee als man ende mo(m)boir/ jouffr(ouwe) katlijne(n) ts(er)claes wettige suster van svaders wegen ende/ vanden vorsten ende yerste(n) bedde der voirs(creven) wijle(n) jouffr(ouwe) jeha(n)nen/ en(de) jans deselve jan ende b(er)telmeeus sijn swag(er) oick beyde/ ind(en) name ende van wege(n) jouffr(ouwe) lijsbetthen en(de) katlijnen ts(er)claes/ gesuste(re)n der voirs(creven) wijle(n) jouffr(ouwe) jeha(n)nen ende jans en(de) half/ suste(re)n van b(er)telmeeus werdi(n)nen voirs(creven) die zij dair inne/ geloven te verva(n)gen t(er) ande(re) Sijn comen voir scepen(en)/ van loeven(e) hier nae bescreve(n) kynnen(de) ende lijden(de) dat zij met/ malcande(re)n underlinge ov(er)comen veraccordeert ende eenswordden sijn/ aengaen(de) den erflik(er) ende omberuerlike(n) goeden hier nae bescreven/ gebleve(n) ende verstorven nae de doot ende aflivicheit der voirs(creven)/ wijle(n) jouffr(ouwe) jeha(n)nen ts(er)claes joes werdynne(n) ende oic nae de/ doot van ada(m)me van manghersruet huer(er) beyd(er) sone hoedanich/ die sijn het sijn leene eygen oft erve In woeni(n)g(en) huys(en) hove(n)/ walle wynnen(de) land(en) hoge lande ende nede(re) lande beempd(en)/ eeusselen chijsen rinten pachte(n) met oick allen den toebeh(oirten) ende/ des dien aencleeft der pointe(n) vorweerd(en) en(de) conditien hier nae/ verclairt die zij malcande(re)n voir hen hue(re)n erven en(de) naco/ melinge(n) geloeft hebben tonderhouden ende te voldoen(e) ende/ elc den ande(re)n voirde(r) vestich(eit) altijt des vand(en) ande(re)n v(er)socht/ d(air)aff behoirlijc te doene het zij voir de he(re)n ende hove/ dair des behoeve(n) sal moegen ende van noode wesen oft/ dair zij die voirde(r) deen vanden ande(re)n versueken sullen en(de)/ bege(re)n Ende inden yersten alse vanden goeden gelegen te barsele/ inden lande van waes dat d(air)aff den voirs(creven) joese en(de) sijne(n)/ nacomelinge(n) tot eeuwigen daigen volgen sal tgeheel erfrecht/ ende actie die de voirs(creven) jan ts(er)claes b(er)telmeeus w(er)dynne en(de)/ de ande(re) twee gesuste(re)n voirs(creven) dair inne oft dair toe nu oft/ naemaels souden moege(n) hebben te segge(n) oft teysschen in e(n)nig(er)/ manie(re)n Om ende voe(r) de so(m)me van sesse hondert en(de) acht/ rinsgulden(en) te xx stuv(er)s tstuck van welk(er) rechte ende actie(n)/ zij hem tsijne(n) versueke ende coste altijt de voirs(creven) voirde(r)/ vesticheyt doen sullen Item dat de voirs(creven) joes insgelijcx/ den selve(n) janne b(er)telmeeuse ende den gesuste(re)n alnoch voir/ de have die den kinde voirs(creven) nae der moeder doot sculdich/ soude sijn geweest te volgen dairaff deselve joes bekindt
//
ende geloeft heeft voir scepen(en) vand(er) vierschae(re)n van barsele de so(m)me/ van vijff hondert rinsgulden(en) vernuegen [sal] ende voldoen vand(en) selven/ vijfhondert rinsgulden(en) Item dat de voirs(creven) joes tot behoef vand(en)/ voirs(creven) janne b(er)telmeeuse ende gesuste(re)n renu(n)cie(re)n ende afgaen sal/ geheheelijc ende al van alsulk(er) tocht oft voird(er) recht alse hij als/ mo(m)boir voirs(creven) hebben soude moege(n) in alle de goede gelegen te/ haecht te werchte(r) ende d(air)o(m)trint gecome(n) vand(er) zijden des/ voirs(creven) jans ts(er)claes sonder dair inne e(n)nich recht inne te sueken/ in geestelijcke(n) oft werlijck(en) rechte(n) gelijc dat die goed(en) blijcken/ inde(n) loetbrieve(n) der voirs(creven) wijlen jouffr(ouwe) jeha(n)nen dair aff/ gepasseert voir wet van bruessel van welken goeden van/ haecht en(de) werchte(r) de voirs(creven) joes den voirs(creven) janne b(er)telmeeuse/ ende gesuste(re)n de voirde(r) vestich(eyt) die zij sulle(n) moegen beghe(re)n/ tot hue(re)n coste doen sal om ende voe(r) de so(m)me van hondert/ lix gelijken rinsgulden(en) die welke den voirs(creven) joese aende voirs(creven)/ elfhondert en(de) acht rinsgulden(en) gecort sulle(n) wordden Ende alse/ vand(en) surplug oft rest vanden selve(n) elfhondert acht rinsg(ulden)/ gedrag(en) dese hondert lix afgetoge(n) de so(m)me van neghe(n) hondert/ xlix rinsgulden(en) dat rest sal de voirs(creven) joes den voirs(creven) ja(n)ne/ bertelmeeuse ende den gesuste(re) uuytreycken oft dair voe(r) den/ penni(n)ck xv ande(re) goede zeke(re) erfrinten in brab(ant) gelege(n) loffelijc v(er)pa(n)d(en) en/ en(de) in handen setten tusschen dit en(de) kersmesse naistcomen(de) boven/ alle co(m)mer dair voe(r) uuytgaen(de) noch alsoe vele [erflijc] weerdt zijnde/ alse dese rinte jairlijcx gedrage(n) sal ende alsoe v(er)re dair aff/ h(er) gewede betaelt moest werdde(n) dat soude sijn allessins ten/ laste van joese ende sonder hue(re)n last Met condictie(n) oft hij die/ pe(n)ning(en) tussche(n) dit en(de) kersmesse naistcomen(de) niet uuyt en reycte/ dat die rinte van des d(air)aff alsdan ombetaelt wae(re) begi(n)nen/ soude te loopen van kersmesse naistcomen(de) voirtane alsoe dat/ dyerste rinte dairaff vallen sal bynne(n) eenen jae(re) dair nae/ Met conditie(n) oic dat deselve joes die rinte sal moete(n) lossen/ ten lancste(n) van kersmesse naistcomen(de) over twee jair elcken/ penni(n)ck d(air)aff met xv gelijck(en) pe(n)ninge(n) en(de) met vollen rinten/ Ende alsoe verre deselve joes oft zijn nacomelinge deselve/ lossinge ten selve(n) tijde niet en deden soe soude(n) de voirs(creven) jan/ bertelmeeus en(de) de gesuste(re)n oft hue(re) oir de voirs(creven) rinte die/ hen gelijc voe(r) t(er) vestich(eyt) van hue(re) voirs(creven) rinte(n) in handen/ gestelt sal wordden moege(n) vercoope(n) ende ten hooghsten bringen
//
ende hue(re) penni(n)gen vander voirs(creven) lossingen mette(n) verloope/ ende coste der erfrinte(n) ende des dair ov(er)de dat souden/ zij den selve(n) joese oft zijne(n) oir restitue(re)n Item dat de voirs(creven)/ joes oic tusschen dit ende kersmesse naistcomen(de) den voirs(creven)/ ja(n)ne bertelmeeuse en(de) den gesuste(re)n ind(er) stadt van bruess(el)/ oft eld(er)s dair zij des te vreden sullen moege(n) wesen loflijcke/ vestich(eyt) doen sal van xxii rinsgulden(en) erflijc der corvorst(er) mu(n)ten/ om hen die nae sijn doot sekerlijc ald(air) te moege(n) vinden/ inde stat van alsulk(er) xxii gelijck(en) gulden(en) erffelijc als joes/ dair af mar tocht(er) sijnde nae sijns wijfs doot ald(air) heeft/ laten aflegge(n) ende mette(n) pe(n)ning(en) van dien sijn p(ro)fijt gedae(n)/ heeft bij alsoe dat de voirs(creven) jan b(er)telmeeus en(de) de gesuste(re)n/ oft hue(re) nacomeli(n)ge(n) [d(air)mede] sulle(n) moege(n) te vreden sijn Welcke xxii/ gulden(en) come(n) spruyten(de) uuyte(n) xl gelijck(en) gulden(en) die h(er)weyn/ celijn ts(er)claes ridde(r) schuldich was op sek(er) zijn goede d(air)aff/ bertelmeeus voirs(creven) dander xviii hadde Item dat de voirs(creven)/ joes tot zijne(n) laste dragen sal alle de(n) co(m)me(re)n dair voire/ de voirs(creven) goede van barsele te laste staen ende alle de/ ghene die van hen oft hue(r) goede dair voe(r) oft voe(r) den/ acht(er)stel van dien bij wairscape oft and(er)s gepraempt/ mochte(n) werdden dair aff geheelijc los en(de) ongelast houde(n)/ en(de) namelijc vand(en) rinte(n) aen he(re)n pete(re)n de mutene(re)/ prieste(r) ph(ilips)e de pape den maech oft swag(er) van pete(re)n/ van mazele Item dat de voirs(creven) joes sijn leefdage voer/ hem behoude(n) sal tpanhuys met sijne(n) toebehoirte(n) bynne(n)/ bruessel aen sinter claes merct gelegen opte(n) co(m)mer en(de) last/ dair uuytgaen(de) Dair aff sijn leefdage lanck te betalen/ en(de) dat tonderhouden soe een tochter sculdich es te doene/ Van welcken pointen en(de) conditie(n) voirs(creven) ende elk(en) besund(er)[t]/ elck huer(er) den ande(re)n gelooft heeft altijt genoech te doene/ wair zij malcande(re)n dair aff yet te nauwe gedaen hadden/ ende dairaff deen dand(er) gerecht warant te zijne ende/ te rechte inne te staene tege(n) eene(n)yegelijck(en) voir alle gerichte(n)/ geestelijc en(de) werlijc dair dat van noode sal moegen/ wesen cor(am) lyefkenrode bouchout decembris/ qui(n)ta

Ten vervolghe/ jouffr(ouwe) lijsbette(n)/ ts(er)claes es huer/ tot hue(re)n v(er)sueke/ geco(n)senteert bijde(n)/ raide vand(er) stadt/ eene(n) geliken scep(enen)/ brief gemaict te/ en(de) gelevert te/ wordde(n) actu(m)/ ix[a] dece(m)br(is) a(n)no/ xv[c] xi[o]