Eene deyli(n)ge ende scheydinge gesciet en(de) gemaect/ zijnde bij lotingen tusschen ja(n)ne van halmale den jongen/ pelsmake(r) dorotheen willemairs zijnd(er) werdynne(n) ende/ lijsbetten willemairs huer(er) zuster dochte(re)n rombouts wijle(n)/ willemair vleeschouwers des jonghe(n) die hij hadde van/ lijsbette(n) wijlen van berlair zijnen wive met (con)sente/ ende ten bijsijne van janne van colen ende ja(n)ne van/ maelcote als maghe ende vriende der zelv(er) lijsbetten/ willemairs affirme(re)nde metten voirs(creven) gehuysschen/ want dit bij lote gebuert is dat het geschiet is inden/ meesten orboe(re) ende profijte der zelv(er) lijsbette(n) willem(air)s/ onder hue(r) xxv jae(re)n oudt ende ongehouwt zijnde/ ter eenre Ende margrieten van berlair moeye/ der voirs(creven) kinde(re)n willemairs voir heur selve(n) ende/ oic inden name van lijsbetten janne diericke ende/ m(ar)grieten bouts hue(re)n kinde(re)n die zij behoude(n) heeft/ van diericken wijlen bouts hue(re)n man welke/ kinde(re) onder hue(re) daghe wesende zij hier inne geloeft/ heeft te verva(n)gen ten bijsijne ende met (con)sente aelbrechts/ bouts der zelv(er) kinde(re)n oom brueder des voirs(creven) wijle(n)/ diericx ende oic met (con)sente rombouts van berlair/ brueder der voirs(creven) m(ar)grieten des(er) kinde(re)n moeder/ affirme(re)nde oic want het mynlijck bij lote gelijc/ voe(r) toegegaen is dat dese deyli(n)gen geschiet zijn/ inden meesten orboe(re) ende profijte der zelv(er) kinde(re)n/ van ende op de goede chijsen rinten bancken ende/ vorsterie hen gebleve(n) zom van ende bijd(er) doot/ van wijlen m(ar)grieten reymairs moeder was vand(er)/ voirs(creven) gesuste(re)n van berlair ende zom nae ende
//
bijd(er) doot vrancx wijlen van berlair huers brueders/ welke goede alnoch tusschen dese kinde(re)n ongedeylt stonden/ Te deylen