Item hillegheert coesmans sone wijlen jans woenen(de)/ tarken(en) in p(rese)ntia heeft genome(n) en(de) bekint genome(n)/ te hebben van he(re)n ja(n)ne boeyen prieste(r) pyntancier/ des godshuys van p(er)cke thoff der selv(er) pyntancien mette(n)/ wynnen(de) land(en) d(air)toe behoiren(de) gelijc en(de) ind(er) alder manie(re)n/ de voirs(creven) hilleg(eer)t tselve tot h(ier)toe gehehouden heeft/ behoudelijc dat hij gheene(n) sacht hebben noch behoude(n)/ en sal inde thiende Te houden te hebben te wy(n)ne(n)/ te werve(n) van halfm(er)te nu naistcomen(de) eenen t(er)mijn/ van negen jae(re)n lanc due(re)nde deen nae dand(er) sonder/ middel acht(er)volgen(de) Elcx jairs d(air)enbynne(n) om en(de) voe(r)/ de hellicht van allen den greyne en(de) vruchte(n) op de voirs(creven)/ goede jairlijcx wassen(de) It(em) es vorw(er)de dat de voirs(creven)/ wynne tvoirs(creven) coren en(de) vruchte(n) tzijne(n) coste allessins/ afdoen en(de) inne vue(re)n sal ende als des voirs(creven) pytantien/ hellicht gederssche(n) sal sijn dat dan de wynne die/ sculdich sal sijn int cloest(er) van p(er)cke te leve(re)n Item/ es oic vorweerde dat de voirs(creven) wynne de voirs(creven) thiende/ sculdich sal sijn jairlijcx den t(er)mijn due(re)nde inne te vue(re)n/ en(de) tselve coren vand(er) thiend(en) oic gederssche(n) zijnde te p(er)cke/ voirs(creven) te leve(re)n It(em) es vorweerde dat de voirs(creven) wynne/ de voirs(creven) lande wynne(n) en(de) werven sal wel en(de) loffelijc/ gelijc regenoeten boven en(de) beneden ende die laten tsijne(n)/ afscheiden(e) te weten(e) den roggen(en) art well en(de) loffelijc/ besaeyt met rogge ende dande(r) lande eens o(m)megedae(n)/ It(em) es vorw(er)de dat de voirs(creven) wynne jairlijcx schudde(n)/ sal vierhond(er)t walms om de huysing(en) vand(en) voirs(creven)/ hove mede te decken(e) Ende alsmen ald(air) dect oft plect/ dan sal de wynne den werclied(en) den mo(n)tcost gheve(n)/ en(de) de pytanc(ie)r de dachue(re)n betalen It(em) es vorweerde/ dat de voirs(creven) wynne de goede alo(m)me bevreden sal/ en(de) de wege(n) d(air) aen liggen(de) maken tsijnen laste als/ dat bij gebreke van dien gheen scade en gebue(re) ende/ de grechte(n) alo(m)me [en(de)] ryolen [alo(m)me] ruymen en(de) veegen wel en(de)/ loffelijck uutgenome(n) den vliet It(em) es vorweerde dat/ de wynne voirt uuyt hebbe(n) sal jairlijcx een half boend(er)/ lants niet vand(en) besten noch vand(en) quaetsten Ende alle/ dese vorw(er)d(en) (et)c(etera) cor(am) borch bouchout m(ar)tii vi[ta]